पर्यटन क्षेत्र रोजगारी सिर्जना गर्ने, विदेशी मुद्रा आर्जन गराउने र खर्च गराउने तीनवटा पक्षसँग सम्बन्धित छ । जब पर्यटकीय चहलपहल बढ्छ त्यसबाट सबै क्षेत्र लाभान्वित हुन्छन् । त्यसैले पर्यटनलाई राजस्वमुखी बनाउनु हुँदैन । पर्यटन लाई राजस्वमुखी बनाउँदा विदेशी मुद्रा आर्जनमा कमी आउँछ ।

अर्थतन्त्रका प्रमुख सूचकहरू नफेरिएको, बजेट आउने दिन नजिकिँदै गएको, अर्थमन्त्री र गभर्नरबीचको द्वन्द्व कायमै रहेकाले बजार थप संकटोन्मुख हुने संकेत गर्छ । सरकारले मंगलबारका लागि बजेट अधिवेशन आह्वान गरेको छ । 

राजनीतिक दलहरुको भोट तान्ने अस्त्र वृद्धभत्ता हो । यो वर्ष सरकारले वृद्धभत्ता बढाउनुका साथै ७० वर्षबाट घटाएर ६५ वर्षमा झार्ने भएको छ ।