६ लेनको पूर्व–पश्चिम राजमार्गले चिटिक्कै भरतपुर महानगर (ड्रोन भ्यू तस्बिर)

फोटो फिचर

गृहपृष्ठ
फोटो फिचर

६ लेनको पूर्व–पश्चिम राजमार्गले चिटिक्कै भरतपुर महानगर (ड्रोन भ्यू तस्बिर)नेपालको बीच भागमा पर्ने चितवनको भरतपुर महानगरपालिका सहरी सौन्दर्यसँग जोडिएको पूर्व–पश्चिम महेन्द्र राजमार्गको नारायणगढ पुल्चोकदेखि टिकौली जंगल छेउको गोन्द्राङसम्म ६ किमि सडकलाई ६ लेन बनाउने काम सकिएसँगै चिटिक्क देखिएको छ।

क्यापिटल नेपालशनिबार, फागुन २४, २०८१

नेपालको बीच भागमा पर्ने चितवनको भरतपुर महानगरपालिका सहरी सौन्दर्यसँग जोडिएको पूर्व–पश्चिम महेन्द्र राजमार्गको नारायणगढ पुल्चोकदेखि टिकौली जंगल छेउको गोन्द्राङसम्म ६ किमि सडकलाई ६ लेन बनाउने काम सकिएसँगै चिटिक्क देखिएको छ।

२०७७ भदौमा सुरु भएको सडक विस्तारको काम तीनपटकसम्म म्याद थपेपछि निर्माण सम्पन्न भएको हो। हालै यो सडकमा स्मार्ट सडक बत्ती जडान गरिसकिएको छ।

यो सडक विस्तारका लागि १ अर्ब ७६ करोड रुपैयाँ खर्च भएको छ। सडकको दायाँ–बायाँ ११ दशमलव ५ मिटरको एक्सप्रेस लेन छ। बीचमा ३ देखि ४ मिटरको मेडियन छ, जहाँ दुबो र बिरुवा लगाइसकिएको छ।

एक्सप्रेस लेनको छेउमा दुवैतर्फ ठूला नाली छन् । नालीभन्दा बाहिर दुवैतर्फ ६ मिटरसम्मको सर्भिस लेन रहेको छ। सर्भिस लेनबाहिर दुवैतर्फ ३ देखि ४ मिटरको फुटपाथ रहेको छ।