साझा यातायातले सञ्चालनमा ल्यायो १.१ मेगावाटको चार्जिङ स्टेसन, उपत्यकामा चल्ने भए ४० विद्युतीय बस

फोटो फिचर

गृहपृष्ठ
फोटो फिचर

साझा यातायातले सञ्चालनमा ल्यायो १.१ मेगावाटको चार्जिङ स्टेसन, उपत्यकामा चल्ने भए ४० विद्युतीय बसचार्जिङ स्टेसनमा २४ वटा समानान्तर चार्जिङ पोइन्ट रहेको कम्पनीले जानकारी दिएको छ। स्टेसनमार्फत ४५ मिनेटमा बस फुल चार्ज सकिने बताइएको छ।

क्यापिटल नेपालमंगलबार, चैत २७, २०८०

काठमाडौं। साझा यातायात सहकारी संस्था कम्पनीले विद्युतीय सवारी चार्ज गर्न १.१ मेगावाटको चार्जिङ स्टेसन सञ्चालनमा ल्याएको छ।

मंगलबार एक कार्यक्रमकाबीच साझाले चार्जिङ स्टेसनको औपचारिक सुरुवात गरेको हो। उपप्रधानमन्त्री एवं भौतिक पूर्वाधार तथा यातायात मन्त्री रघुवीर महासेठले चार्जिङ स्टेसनको उद्घाटन गरे।

चार्जिङ स्टेसनमा २४ वटा समानान्तर चार्जिङ पोइन्ट रहेको कम्पनीले जानकारी दिएको छ। स्टेसनमार्फत ४५ मिनेटमा बस फुल चार्ज सकिने बताइएको छ। चार्जिङ स्टेसन सञ्चालनमा आएसँगै चीनबाट आयात गरिएका ४० बस पनि सञ्चालनमा आउने भएका छन्।

यसअघि चार्जिङ अभावमा उक्त बसहरु सञ्चालनमा आउन सकेका थिएनन्। साझा यातायातले आगामी दिनमा डिजेल गाडीलाई रुपान्तरित बिजुली गाडी बनाएर परीक्षण गर्न लागेको साझा सहकारीका अध्यक्ष कणकमणि दीक्षितले बताए।