सेयर टुक्र्याउन नेपाल लाइफ कम्पनी रजिष्टारमा जाँदै, १४ करोड ३८ लाख कित्ता हुने

मुख्य समाचार

गृहपृष्ठ
मुख्य समाचार

सेयर टुक्र्याउन नेपाल लाइफ कम्पनी रजिष्टारमा जाँदै, १४ करोड ३८ लाख कित्ता हुने

क्यापिटल नेपालमंगलबार, फागुन १८, २०७७

काठमाडौं । नेपाल लाइफ इन्स्योरेन्स कम्पनी लिमिटेडले सेयर टुक्र्याउने ( स्प्लिट) प्रक्रिया अघि बढाएको छ । माघ २८ गते सम्पन्न साधारणसभाले सेयर स्प्लिट गर्ने प्रस्तावलाइ अनुमोदन गरेपछि कार्यान्वयनका लागि नेपाल लाइफ कम्पनी रजिष्टारमा जान लागेको हो ।

यो साताभित्र कम्पनी रजिष्टारमा सेयर स्प्लिट गर्न प्रवन्धपत्र नियमावली संशोधनका लागि जाने नेपाल लाइफका प्रमुख कार्यकारी अधिकृत (सीईओ) सन्तोष प्रसाईंले बताए । उनले प्रवन्धपत्र तथा नियमावली संशोधन हुने जानकारी दिए ।

कम्पनी रजिष्टारको कार्यालयबाट स्वीकृति भएपछि नियामक बिमा समिति र नेपाल धितोपत्र बोर्डमा जाने उनले जानकारी दिए । सेयर स्प्लिटको प्रस्ताव पारित भएमा सेयर संख्या दोब्बर बढेर १४ करोड ३८ लाख कित्ता पुग्नेछ । कम्पनीको ३१ प्रतिशत बोनस सूचीकृत भएपछि चुक्तापुँजी बढेर ७ अर्ब १९ करोड रुपैयाँ पुग्नेछ ।

यो पनि हेर्नुहोस
सेयर (स्प्लिट) गर्ने नेपाल लाइफ इन्स्योरेन्सको प्रस्ताव साधारणसभाबाट स्वीकृत

यसबाट सेयर संख्या धेरै हुनुका साथै सर्वसाधारणको पहुँच कम्पनीको सेयर पुग्नेछ । यसअघि कम्पनीले सेयरलाई १० मा झार्ने प्रस्ताव गरेको थियो । ५० भन्दा कम गर्न नमिल्ने भएपछि यसलाई अघि बढाएको उनको भनाइ छ ।

नियामकहरुले स्वीकृति दिनसाथ टुक्र्याउने काम अघि बढ्नेछ । अंकित मूल्य घटेर प्रतिकित्ता ५० रुपैयाँ कायम हुनेछ । सर्वसाधारणले प्रतिकित्ता १०० रुपैयाँमा सेयर खरिद गरेकोमा यसलाई परिवर्तन गरी ५० रुपैयाँ कायम गर्न लागेको हो । बजार मूल्य भने स्प्लिट हुँदा ठिक आधामा समायोजन हुनेछ ।

प्रकाशित मिति: मंगलबार, फागुन १८, २०७७ १२:५०

प्रतिक्रिया दिनुहोस्