पहिलो पटक बन्यो कर्बस्टोनको नेपाल गुणस्तर, ३१ वटा नयाँ स्टाण्डर्ड स्वीकृत

उद्योग

गृहपृष्ठ
उद्योग

पहिलो पटक बन्यो कर्बस्टोनको नेपाल गुणस्तर, ३१ वटा नयाँ स्टाण्डर्ड स्वीकृत

क्यापिटल नेपालबुधबार, कात्तिक २६, २०७७

काठमाडौं । सडकको दुई किनारामा प्रयोग हुने कर्बस्टोनको नेपाल गुणस्तर बनेको छ । उद्योग, वाणिज्य तथा आपूर्तिमन्त्री लेखराज भट्टको अध्यक्षमा बसेको नेपाल गुणस्तर परिषद्को १०५ औं बैंठकले कर्बस्टोनसहित ३१ नयाँ नेपाल स्टयाण्र्डर्ड स्वीकृत गरेको हो ।

अब सडकको दुई किनारामा प्रयोग हुने कर्बस्टोन पनि नेपाल गुणस्तर अनुसार बन्ने छ । अहिलेसम्म सडकमा प्रयोग भइरहेको कर्बस्टोनको कुनै स्ट्याण्र्डर्ड थिएन । अब भने नेपाल गुणस्तरअनुसार कर्बस्टोन बन्ने छ ।

त्यसैगरी, परिषद्ले सेनेटरी प्याडको पनि नेपाल गुणस्तर बनाएको छ । सरकारले बजेटमार्फत गाउँ–गाउँमा निःशुल्क सेनेटरी प्याड बाँड्ने घोषणा गरेपछि नेपाल गुणस्तर तथा नापतौल विभागले त्यसको पनि स्ट्याण्र्डर्ड बनाएको विभागका महानिर्देशक विश्वबाबु पुडासैनीले जानकारी दिए ।

विभागले ३१ ओटा स्ट्याण्र्डर्ड स्वीकृत गरेकोमा ७ वटा प्रडक्ट रहेको छ । उनका अनुसार पहिलो पटक हवाई इन्धनको पनि नेपाल गुणस्तर बनेको छ । ‘अहिलेसम्म हवाई इन्धनको नेपाल स्ट्याण्र्डर्ड बनेको थिएन,’ उनले भने, ‘भारतीय स्टयाण्र्डर्डको बेसमा काम भइरहेको थियो । अब आफ्नै गुणस्तर बनेको हो ।’

त्यसैगरी एलइडी बल्बको पनि नेपाल गुणस्तर स्वीकृत भएको छ । विभागका अनुसार लेमिनेटेड बोराको पनि नेपाल स्टयाण्र्डर्ड बनेको हो । त्यसैगरी भूइमा बिच्छ्याउने ब्लकको पनि नेपाल गुणस्तर बनेको छ ।