लाइन ट्रिपिङले हेटौडाका उद्योगी हैरान, डिजेलबाट चलाउन थाले उद्योग

उद्योग

गृहपृष्ठ
उद्योग

लाइन ट्रिपिङले हेटौडाका उद्योगी हैरान, डिजेलबाट चलाउन थाले उद्योग

क्यापिटल नेपालबिहीबार, साउन २२, २०७७

काठमाडौं । घण्टामै १० पटक भन्दा बढी लाइन ट्रिपिङ हुन थालेपछि हेटौडा औद्योगिक क्षेत्र र वरपर रहेका उद्योगहरु डिजेलबाट सञ्चालन गर्न थालिएको छ ।

प्राधिकरणले उपलब्ध गराएको बिजुली झ्याप्प झ्याप्प जान थालेपछि उद्योगीले डिजेलबाट उद्योग चलाउन थालेको बताएका छन् । ‘प्राधिकरणको गम्भीर लापरबाहीका कारण दर्जनौ उद्योगको मेसिन तथा विद्युतीय उपकरण ड्यामेज भइसकेको छ,’ हेटौडास्थित औद्योगिक क्षेत्रभित्र उद्योग चलाइरहेका एक उद्योगीले भने, ‘प्राधिकरणको लापरबाहीका कारण एउटै उद्योगले लाखौं क्षति व्यहोर्नु परेको छ ।’

प्राधिकरणले आफ्नो सिस्टम फेल भएकाले लाइन ट्रिपिङ भएको बताएको छ । प्राधिकरणले गरेको गल्तीका कारण हाम्रा मेसिनरी सामानहरु बिग्रेपछि त्यसको जिम्मेवारी पनि प्राधिकरणले लिनुपर्ने उद्योगीहरु बताउँछन् ।

हेटौडा औद्योगिक क्षेत्रभित्र दुई दर्जनभन्दा बढी उद्योग सञ्चालित छन् । ती उद्योगहरु अहिले नेपाल आयल निगमबाट डिजेल किनेर जेनेरेटर चलाएर उद्योग चलाइरहेका छन् । बारम्बार लाइन ट्रिपिङ भएको जानकारी गराउँदा समेत प्राधिकरणले कुनै वास्ता नगरेको उद्योगीले बताए ।

प्रकाशित मिति: बिहीबार, साउन २२, २०७७ १६:५०

प्रतिक्रिया दिनुहोस्