एनआरएनको मतदान सकियो, केही बेरमै गणना सुरु हुदै

राजनीति

गृहपृष्ठ
राजनीति

एनआरएनको मतदान सकियो, केही बेरमै गणना सुरु हुदै

क्यापिटल नेपालबिहीबार, असोज ३०, २०७६

काठमाडौं । गैरआवासीय नेपाली सङ्घको नयाँ नेतृत्वका लागि भएको निर्वाचन प्रक्रियाअन्तर्गत केहीबेरअघि मतदान सकिएको छ । कुल २३४४ मत खसेको छ ।

बिहान १० बजेदेखि शुरु भएको मतदान साँझ ६ बजेसम्म चलेको थियो । शान्तिपूर्ण रुपमा मतदान सकिएको र केही बेरपछि मतगणना शुरु हुने सङ्घका महासचिव बद्री केसीले जानकारी दिए।

निर्वाचनमा शुरुमा विद्युतीय मेशिनबाट मतदान हुने भनिएता पनि विवाद भएपछि मतपत्र प्रयोग गरिएको थियो । निर्वाचनमा ४२ पदका लागि ७६ जना प्रतिस्पर्धी छन ।

नयाँ नेतृत्वका लागि अध्यक्षमा कुमार पन्त र कुल आचार्यबीच प्रतिस्पर्धा भइरहेको छ । महासचिवमा जानकी गुरुङ र डा हेमराज शर्माले उम्मेदवारी दर्ता गराउनुभएको छ । निर्वाचनले दुई वर्षका लागि ४२ सदस्यीय कार्यसमिति चयन गर्नेछ ।

निर्वाचनमा करीब २ हजार ५०० मतदाता रहेका छन् । यसैबीच पूर्वनिर्धारित कार्यतालिकाअनुरुप आज साँझ हुने भनिएको सङ्घको समापन समारोह नहुने भएको छ । मतगणनाको परिणामपश्चात् मात्रै समापन कार्यक्रम गरिने आयोजकले जनाएको छ । रासस

प्रकाशित मिति: बिहीबार, असोज ३०, २०७६ १८:५२

प्रतिक्रिया दिनुहोस्