मेगा बैंकद्वारा शुक्रबार एकैदिन ६ वटा नयाँ शाखा विस्तार

मुख्य समाचार

गृहपृष्ठ
मुख्य समाचार

मेगा बैंकद्वारा शुक्रबार एकैदिन ६ वटा नयाँ शाखा विस्तार

क्यापिटल नेपालशनिबार, साउन १६, २०७८

काठमाडौं । मेगा बैंक नेपालले शुक्रबार एकैदिन ६ वटा नयाँ शाखा विस्तार गरेको छ । बैंकले प्रदेश नम्बर १ मा १, बागमती प्रदेशमा ३, लुम्बिनी प्रदेशमा १ र सुदूरपश्चिम प्रदेशमा १ गरी जम्मा ६ वटा नयाँ शाखा विस्तार गरेको हो ।

प्रदेश नम्बर १ मा सुनसरीको इटहरी उपमहानगरपालिका–१६ स्थित ललितपुरमा बैंकले नयाँ शाखा खोलेको छ । बागमती प्रदेशमा नुवाकोटको विदुर नगरपालिका–२ बट्टारमा, चितवनको भरतपुर महानगरपालिका– ७ विकास चोकमा र सोही महानगरपालिकाको वडा नम्बर १० भरतपुर हाइटमा पनि बैंकले नयाँ शाखाहरु सञ्चालनमा ल्याएको छ ।

त्यसैगरी लुम्बिनी प्रदेश बाँकेको नेपालगञ्ज उपमहानगरपालिका वडा नम्बर १८ कारकाँदोमा र सुदूरपश्चिम प्रदेशमा कैलालीको धनगढी उपमहानगरपालिका वडा नम्बर १ एलएन चोकमा पनि नयाँ शाखा विस्तार गरेको बैंकले जनाएको छ ।