पुस १७ गतेदेखि कुमारी र एनसिसी बैंकको एकीकृत कारोबार सुरु

मुख्य समाचार

गृहपृष्ठ
मुख्य समाचार

पुस १७ गतेदेखि कुमारी र एनसिसी बैंकको एकीकृत कारोबार सुरु

क्यापिटल नेपालमंगलबार, पुस १२, २०७९

काठमाडौं । कुमारी बैंक र नेपाल क्रेटिड एन्ड कमर्स (एनसिसी) बैंकको पुस १७ गतेदेखि एकीकृत कारोबार सुरु हुने भएको छ।

कुमारी र एनसिसी बैंक एक आपसमा गाभिएपछि कुमारी बैंकको नामबाट एकीकृत कारोबार सुरू हुन लागेको हो। मंसिर २५ गते बसेको दुवै बैंकको छुट्टाछुट्टै विशेष साधारणसभाले मर्जरमा जाने प्रस्ताव पारित गरेका हुन्।

एनसिसी बैंक गाभिने दिनसम्म कायम रहेको सम्पूर्ण सम्पत्ति तथा दायित्व कुमारी बैंकले व्यहोर्ने सकार्ने गरी नेपाल राष्ट्र बैंकले पुस ६ गते मर्जरमा जाने अन्तिम स्वीकृति दिएको हो।

मर्जरपछि बैंकको रजिष्टर्ड कार्यालय हाल कुमारी बैंकको रजिष्टर्ड कार्यालय रहेको स्थान बागमती प्रदेश, काठमाडौं जिल्ला वडा नं २ टंगालमा हुने कम्पनीले जानकारी दिएको छ। साथै, डाटा माइग्रेसन प्रयोजनका लागि दुवै कम्पनीको बैंकिङ सेवा पुस १५ र १६ गते बन्द रहनेसमेत कम्पनीले जनाएको छ।

प्रकाशित मिति: मंगलबार, पुस १२, २०७९ १५:१६

प्रतिक्रिया दिनुहोस्