नवनियुक्त अर्थमन्त्री पौडेलले भने ‘निजी क्षेत्रसँग मिलेर अर्थतन्त्रको समस्या सल्ट्याउँछु’

मुख्य समाचार

गृहपृष्ठ
मुख्य समाचार

नवनियुक्त अर्थमन्त्री पौडेलले भने ‘निजी क्षेत्रसँग मिलेर अर्थतन्त्रको समस्या सल्ट्याउँछु’

क्यापिटल नेपालसोमबार, पुस ११, २०७९

काठमाडौं । नवनियुक्त उपप्रधान तथा अर्थमन्त्री विष्णु पौडेलले बिग्रँदो अर्थतन्त्रलाई सही दिशामा ल्याउन निजी क्षेत्रसँग मिलेर अघि बढ्ने बताएका छन्।

सोमबार अर्थमन्त्रालयको जिम्मेवारी बहन गर्दै पौडेलले बिग्रिएको अर्थतन्त्रलाई समालेर ल्याउनु चुनौतिपूर्ण भएको र त्यसका लागि अर्थजगतका सम्पूर्ण विज्ञसँग आवश्यक छलफल गरेर अघि बढ्ने बताए।

अहिले निजी क्षेत्र, केन्द्रीय बैंक र योजना आयोगबीच कुनै तालमेल नहुँदा अर्थतन्त्र थप संकटतर्फ धकेलिएको र अब तीन निकायबीच कुशल सम्बन्ध बनाएर अर्थतन्त्रलाई नयाँ दिशातिर लैजाने बताए।

अहिलेको अर्थतन्त्रलाई दिएर समाजका हरेक वर्ग चिन्तित हुन थालेका छन्। उनीहरुको चिन्तालाई सरकारले समाधान गर्ने बताए। ‘अहिले लगानीकर्ताको मनोवल पनि नराम्ररी प्रभावित भएको छ,’ उनले भने, ‘मेरो अर्को प्रमुख काम भनेको उनीहरुको मनोबललाई उच्च बनाएर लगानी बढाउने, रोजगारी सिर्जना गर्ने हो। त्यतातिर लाग्छु।’