सेयर बजार प्रभावित हुने गरी केन्द्रीय बैंकको परिपत्र

मुख्य समाचार

गृहपृष्ठ
मुख्य समाचार

सेयर बजार प्रभावित हुने गरी केन्द्रीय बैंकको परिपत्र

क्यापिटल नेपालमंगलबार, जेठ ११, २०७८

काठमाडौं। सेयर बजारलाई प्रत्यक्ष प्रभावित हुने गरी केन्द्रीय बैंकले बैंकहरुलाई परिपत्र गरेको छ । केही दिनअघि मौद्रिक नीतिको समिक्षा गरेको नेपाल राष्ट्र बैंकले मंगलबार बैंकहरुलाई परिपत्र गरेको हो । सोही परिपत्र हेर्दा बजार प्रत्यक्ष रुपमा प्रभावित हुने देखिएको छ ।

केन्द्रीय बैंकले अबउप्रान्त सेयर बजारमा एक वर्षभन्दा छोटो समयका लागि ऋण लगानी गर्न रोकेको छ । तर, यसले बजार प्रभावित हुन सक्ने देखिन्छ ।

त्यसैगरी, बैंक तथा वित्तीय संस्थाहरुले एक वर्षभन्दा कम अवधिको लागी शेयर बजारमार्फत सेयर खरिद बिक्री गर्न रोक लगाएको छ । लघुबित्तको साधारण सेयर खरिद रोकेको छ । त्यसैगरी, यसअघि खरिद गरेको सेयर २०७८ पुसभित्र विक्री गरिसक्नुपर्ने छ ।

त्यसैगरी, केन्द्रीय बैंकको परिपत्रले बैंकको खराब कर्जा पनि बढ्ने देखिन्छ । किनभने कर्जाका ग्राहकलाई ब्याज तथा किस्ता चुक्ता गर्ने समयावधिमा राहत दिनुपर्ने छ र यसले गर्दा बैक तथा वित्तीय संस्थाहरूको खराब कर्जा बढ्ने देखिएको हो ।

त्यसका अलवा बैंकले हरेक ब्याजमा हुने परिवर्तनका बारेमा ग्राहकलाइ एसएमएसबाट जानकारी दिनुपर्ने छ । यसमा बैंकको नाफामा धक्का दिने र त्यसले पनि बजारमा असर पुग्ने देखिन्छ ।

प्रकाशित मिति: मंगलबार, जेठ ११, २०७८ १९:३६

प्रतिक्रिया दिनुहोस्