राजस्व अनुसन्धान विभागद्वारा क्रिप्टाे काराेबारी ४ जनाविरुद्ध मुद्दा दर्ता, ३७.६४ कराेडबराबरकाे बिगाे दाबी

मुख्य समाचार

गृहपृष्ठ
मुख्य समाचार

राजस्व अनुसन्धान विभागद्वारा क्रिप्टाे काराेबारी ४ जनाविरुद्ध मुद्दा दर्ता, ३७.६४ कराेडबराबरकाे बिगाे दाबी

क्यापिटल नेपालमंगलबार, माघ ११, २०७८

काठमाडाैं । राजस्व अनुसन्धान विभागले डलरको अवैध कारोबार गरेको कसूरमा चार जनाविरुद्ध काठमाडौं जिल्ला अदालतमा मुद्दा दर्ता गरेको छ ।

कैलाली स्थायी घर भई काठमाडौं बस्ने दिनेश खड्का, उनकी दिदी भगवती खड्का, बुवा नरबहादुर खड्का र केटी साथी अनिता धितालविरुद्ध विनियम ऐनविरुद्ध कारोबार गरेको कसूरमा मुद्दा दर्ता गरेको हो ।

उनीहरुले सामूहिक रुपमा मोबाइल एप्स ई–स्क्रिल र बाइनान्समार्फत रकम लोड/अनलोड गरी अमेरिकी डलर सटही गरेका भेटिएको हो ।

प्रतिवादी दिनेशको ग्लोबल आईएमईको खाताबाट ९ करोड ७९ लाख ९८ हजार ५ सय ८१ रुपैयाँ, भगवतीको एनआईसी एसिया बैंकको खाताबाट २० करोड ४२ लाख ९४ हजार ५ सय, लक्ष्मी धितालको लक्ष्मी बैंकबाट ५ करोड ७७ लाख ६ हजार ८२६ रुपैयाँ र नरबहादुरको ग्लोबल आईएमईको खाताबाट १ करोड ६४ लाख ११ हजार १ सय ६५ गरी कुल रकम ३७ करोड, ६४ लाख ११ हजार १ सय ६५ बराबरको (अमेरिकी डलर ३१ लाख २७ हजार ८ सय ९६) बिगो दाबी गरेको छ ।

साथै विभागले विदेशी विनिमय ऐन, २०१९ को दफा ३ को उपदफा १, दफा ४ को उपदफा १, दफा ५ को उपदफा १ र दफा १२ बमोजिम प्रतिवादी दिनेश खड्कालाई सोही ऐनको दफा १७ को उपदफा १ बमोजित बिगो जफत गरी ३ वर्षसम्म कैद सजायको मागदाबीसमेत गरेको छ ।

प्रकाशित मिति: मंगलबार, माघ ११, २०७८ १४:१४

प्रतिक्रिया दिनुहोस्