साझा यातायातको मोबाइल एप ‘साझा प्लस’ सञ्चालनमा, गाडीको रुट लाइभ हेर्न सकिने

काठमाडौं। साझा यातायातले आफ्नो मोबाइल एप ‘साझा प्लस’ सञ्चालनमा ल्यएको छ। सरकारी स्वामित्वमा रहेको साझाले ल्याएको एपबाट यात्रुले साझाका बसको रुट हेर्न र लाइभ ट्र्याक गर्न सक्ने बताइएको छ।

साझाले ट्विटमार्फत एप सञ्चालनमा आएको जानकारी गराउँदै यसकाे मोबाइल एपले बसमाजडित जिपिएस प्रविधिमार्फत सूचना प्रदान गर्ने जनाएको छ।

यात्रुले ‘साझा प्लस’ एप एन्ड्रोइड र आइओएस दुबैबाट चलाउन सक्ने र गाडी कहाँ आइपुग्यो भनेर हेर्न सक्ने सुविधा छ। साथै गाडी भाडाबारे पनि यसै एपबाट जानकारी पाउने उल्लेख छ।