×

मोदीले लन्च गरे अनलाइन पोर्टल ‘निर्यात’, वैदेशिक व्यापार बढ्ने अपेक्षा

images

एजेन्सी । भारत यति बेला केही देशहरुसँग वैदेशिक व्यापार बढाउन केन्द्रित छ । यसकै लागि सरकारले यसअघि पनि निकै सुधार गरिसकेको छ । 

हाल आएर केन्द्रीय सरकारले पनि वैदेशिक व्यापारलाई बढावा दिन ठूलो कदम उठाको छ । 

यही सिलसिलामा प्रधानमन्त्री नरेन्द्र मोदीले बिहीबार निर्यात नामक अनलाई पोर्टल लन्च गरेका छन् । 

यस पोर्टलले भारतको वैदेशिक व्यापार अर्थात् आयात–निर्यातसँग सम्बन्धित सबै जानकारी एकै ठाउँमा उपलब्ध गराउनेछ । 

यो पोर्टलले वैदेशिक व्यापारलाई बढाउने काममा सहयोग पुग्ने बताइएको छ । 

पोर्टलबाट यी हुन्छन् फाइदा

प्रधानमन्त्री मोदीले पोर्टलसँगै वाणिज्य भवन पनि उद्घाटन गरे । उक्त भवन वाणिज्य एवं उद्योग मन्त्रालयको सेन्टर हुनेछ । साथै निर्यात पोर्टल वैदेशिक व्यापारसँग जोडिएका सबै पक्षका लागि सूचनाको प्लेटफर्म हुनेछ । यसको पूरा नाम नेसनल इम्पोर्ट एक्सपोर्ट रेकर्ड फर एनालिसिस अफ ट्रेड हो ।

‘यी दुवैले आत्मनिर्भर भारतको आकांक्षाको प्रतिनिधित्व गर्छन्’, भवन र पोर्टल उद्घाटन गर्दै मोदीले भने, ‘यसले वाणिज्य–व्यापारको क्षेत्रमा विशेषगरी एमएसएमईमा सकारात्मक परिवर्तन हुनेछ ।

बढ्दो निर्यात

विगत केही वर्षदेखि भारतको निर्यात तीव्रतर बढिरहेको छ । वाणिज्य एवं उद्योग मन्त्रालयको तथ्यांकअनुसार मे २०२२ मा भारतले ३७.२९ बिलियन डलरको निर्यात गर्यो । यस्तै मे २०२१ मा ३२.३० बिलियन डलरको निर्यात गरेको थियो । 

यसरी हेर्दा एक वर्षमा भारतको निर्यात १५.४६ प्रतिशतले बढेको देखिन्छ । 
 

बिहीबार ९ असार २०७९ ०३:०९ PM मा प्रकाशित

प्रतिक्रिया