आर्थिक व्यवहार मिलाउने प्रतिबद्धता जनाएका मदिरा कारोबारी अग्रवाललाई प्रहरीले गर्यो पक्राउ

मुख्य समाचार

गृहपृष्ठ
मुख्य समाचार

आर्थिक व्यवहार मिलाउने प्रतिबद्धता जनाएका मदिरा कारोबारी अग्रवाललाई प्रहरीले गर्यो पक्राउ

क्यापिटल नेपालसोमबार, फागुन ९, २०७८

काठमाडौं । आर्थिक संकटबाट गुज्रिएका मदिरा कारोबारी अमित अग्रवाललाई प्रहरीले पक्राउ गरेको छ । आर्थिक व्यवहार मिलाउन भारतबाट फर्किएका अग्रवाललाई प्रहरीले चेक बाउन्सको केसमा पक्राउ गरेको हो ।

मिटर ब्याजी भनेर चिनिएका सञ्जय अधिकारी र टंकशमशेर जबरालाई अग्रवालले दिएको चेक नसाटिए पछि उनीहरुले अदालतमा मुद्दा दायर गरेका थिए । अदालतले प्रहरीसमक्ष उक्त मुद्दा पठाएको थियो । अधिकारीको ५० र जबराको डेढ करोड रुपैयाँको चेक नसाटिएको हो।

‘६ महिना अघि मुद्दा हालेका थिए । हामीले शनिबार अग्रवाललाई नियन्त्रणमा लिएका हो’ काठमाडौं प्रहरी प्रमुख सुदीप गिरीले भने, ‘दुई व्यक्तिलाई अग्रवालले दिएको चेक नसाटिएपछि अनुसन्धान भइरहेको छ ।’

आर्थिक व्यवहार बिग्रिएपछि भारत पुगेका अग्रवाल व्यवहार मिलाउन व्यवसाय सुचारु गर्न नेपाल फर्किएका थिए । त्यही मौका छोपेर प्रहरीले पक्राउ गरेको हो । ‘उहाँ नेपाल नआएको भए पक्राउ गर्ने कुरै हुँदैन थियो’ गिरीले भने, ‘आफू नेपाल आएको भनेर सार्वजनिक मिडियामा भने पछि अाफूहरूले थाहा पाएकाे र नियन्त्रण लिएको हो ।’

उनले सार्वजनिक रुपमा आफ्नो आर्थिक व्यवहार विग्रिएको बताएका थिए । तर, आफ्नो सम्पत्ति बेचेर पनि ऋण तिर्ने बताए पनि दुई व्यक्तिले चेक बाउन्स गराएर मुद्दा दायर गरेपछि प्रक्राउ गरिएको हो ।

प्रकाशित मिति: सोमबार, फागुन ९, २०७८ १२:४९

प्रतिक्रिया दिनुहोस्