एनआईसी एसिया बैंकको नाफा ३६ प्रतिशतले बढ्यो

मुख्य समाचार

गृहपृष्ठ
मुख्य समाचार

एनआईसी एसिया बैंकको नाफा ३६ प्रतिशतले बढ्यो

क्यापिटल नेपालशनिबार, माघ ७, २०७९

काठमाडौं । एनआईसी एसिया बैंकले चालू आर्थिक वर्ष २०७९/८० को दोस्रो त्रैमाससम्म ३ अर्ब २७ करोड ३३ लाख रुपैयाँ नाफा आर्जन गरेको छ । गत वर्षको यसै अवधिको तुलनामा उक्त नाफा ३६.२७ प्रतिशतले वृद्धि भएको हो ।

उक्त बैंकले आज शनिबार सार्वजनिक गरेको चालू आर्थिक वर्षको दोस्रो त्रैमाससम्मको अपरिस्कृत वित्तीय विवरणअनुसार गत वर्षको सोही अवधिमा २ अर्ब ४० करोड रुपैयाँ नाफा आर्जन गरेको थियो ।

उक्त बैंकले ब्याज अम्दानीमार्फत ६ अर्ब २९ करोड ५७ लाख रुपैयाँ आर्जन गरेको छ । गत वर्षको यसै अवधिमा यस्तो आम्दानी ५ अर्ब २४ करोड १६ लाख रुपैयाँ थियो ।

यस वर्ष बैंकको इम्पेरमेन्ट चार्ज घटेसँगै नाफा वृद्धिमा सहयोग पुगको हो । वित्तीय विवरणअनुसार इम्पेरमेन्ट चार्ज ४७ करोड ९६ लाख रुपैयाँ ऋणात्पमक रहेको छ । गत वर्षको यसै अवधिमा यस्तो चार्ज ३४ करोड २० लाख रुपैयाँ थियो ।

बैंकले ३ अर्ब ४२ करोड ५ लाख रुपैयाँ सञ्चालन नाफा गरेको थियो भने यस वर्ष ४ अर्ब ६९ करोड ३४ लाख रूपैयाँ सञ्चालन नाफा गरेको छ । यस अवधिमा बैंकले ३ खर्ब ५अर्ब ८५ करोड रुपैयाँ निक्षेप संकलन गरेको छ । दुई खर्ब ५६ अर्ब ८६ करोड रुपैयाँ कर्जा प्रवाह गरेको छ ।

बैंकको चुक्तापुँजी हाल ११ अर्ब ५६ करोड ४० लाख रूपैयाँ रहेको छ । रिटेन्ड अर्निग ३ अर्ब ७५ करोड २४ लाख रूपैयाँ रहेको बैंकको जगेडा कोष रकम १२ अर्ब ८९ करोड ६७ लाख रूपैयाँ रहेको छ । बैंकको खराब कर्जा ०.६१ प्रतिशत रहेको छ ।

प्रकाशित मिति: शनिबार, माघ ७, २०७९ १५:२२

प्रतिक्रिया दिनुहोस्