नयाँबजारमा लालीगुराँसको नयाँ काउन्टर

मुख्य समाचार

गृहपृष्ठ
मुख्य समाचार

नयाँबजारमा लालीगुराँसको नयाँ काउन्टर

क्यापिटल नेपालसोमबार, वैशाख ५, २०७९

काठमाडौं । काठमाडौंको नयाँ बजारमा लालीगुराँस बहुउद्देश्यीय सहकारी संस्था लिमिटेडको सातौं सदस्य सुविधा काउन्टर सञ्चालन भएको छ । संस्थाले सोमबारदेखि सो सुविधा काउन्टरबाट कारोबार सुरु गरेको हो ।

साे संस्थाका अध्यक्ष अमरदास श्रेष्ठले नयाँ बजारस्थित सदस्य सुविधा काउण्टरको उद्घाटन गरे । उद्घाटन कार्यक्रममा अध्यक्ष श्रेष्ठले शेयर सदस्यलाई सर्वसुलभ सुबिधा उपलब्ध गराउन थप सदस्य सुविधा काउन्टर उद्घाटन गरेको बताए ।

साे कार्यक्रममा संस्थाका प्रमुख कार्यकारी अधिकृत सुरेन्द्र भण्डारीले देशको सदस्यलाई थप सेवा दिन नया बजारका सातौ सदस्य सुविधा काउन्टर स्थापना गरेको बताए ।

ललितपुरकाे पुल्चोकमा मुख्य कार्यालय रहेको संस्थाले यसअघि ललितपुर चापागाँउ, काठमाडौंको चाबहिल र न्यूरोड, भक्तपुरको कौशलटार र चितवन जिल्लाको पर्सामा सदस्य सुविधा काउण्टर संचालन गरिसकेको छ ।

प्रमुख कार्यकारी अधिकृत भण्डारीले संस्थाले आफ्ना शेयर सदस्यहरुलाई प्रभावकारी ढंगबाट सेवा सुविधाहरु उपलब्ध गराएको जानकारी गराए ।

प्रकाशित मिति: सोमबार, वैशाख ५, २०७९ १७:३८

प्रतिक्रिया दिनुहोस्