निर्वाचन आचारसंहिता उल्लंघन गर्ने ९० म्यादी प्रहरी कारबाहीमा

राजनीति

गृहपृष्ठ
राजनीति

निर्वाचन आचारसंहिता उल्लंघन गर्ने ९० म्यादी प्रहरी कारबाहीमा

क्यापिटल नेपालबुधबार, कात्तिक ३०, २०७९

काठमाडाैं। निर्वाचन आचारसंहिता उल्लंघन गर्ने ९० म्यादी प्रहरी कारबाहीमा परेका छन्।

प्रहरी नायब महानिरीक्षक एवं प्रहरी प्रवक्ता टेकप्रसाद राईका अनुसार यही कात्तिक २९ गतेसम्म ८९ जना पुरूष र एक महिला म्यादी प्रहरी कारबाहीमा परेका हुन्।

'आचारसंहिता विपरित काम गर्ने म्यादी प्रहरीलाई कारबाही गरेका हाैं,' उनले भने, 'कारबाहीमा पर्नेमा अधिकांश मादक पदार्थ सेवन गरी कार्यस्थलमा खटिने छन्। उहाँहरूलाई पटक–पटक चेतावनी दिँदासमेत अटेर गरेपछि कारबाही गरेका हाैं।'

प्रवक्ता राईका अनुसार अनुसार कारबाही पर्नेमा प्रदेश नं १ मा ४८ , काठमाडौं उपत्यकामा एक र बागमती प्रदेशमा पाँच जना छन्।

त्यसैगरी गण्डकी प्रदेशमा २४, लुम्बिनी प्रदेशमा चार, कर्णाली प्रदेशमा एक र सुदूरपश्चिममा सात छन्। काठमाडौं उपत्यकासहित सात प्रदेशमा एक लाख १५ हजार म्यादी प्रहरीको कोटा रहेकामा हाल एक लाख १४ हजार आठ सय ७७ उपस्थित भएका छन्। यसमा पुरूष ८४ हजार दुई सय ४८ र महिला ३० हजार छ सय २९ छन्।

प्रकाशित मिति: बुधबार, कात्तिक ३०, २०७९ २१:४९

प्रतिक्रिया दिनुहोस्