पाकिस्तानमा इन्धनको मूल्य आकासियो, डिजेलको मूल्य पुग्यो २६३ रुपैयाँ

मुख्य समाचार

गृहपृष्ठ
मुख्य समाचार

पाकिस्तानमा इन्धनको मूल्य आकासियो, डिजेलको मूल्य पुग्यो २६३ रुपैयाँ

क्यापिटल नेपालबिहीबार, असार २, २०७९

इस्लामावाद, एएनआई । पाकिस्तानमा २० दिनमा तीन पटक पेट्रोलियम पदार्थको मूल्यवृद्धि भएको छ । यो बीचमा झण्डै २९ प्रतिशत मूल्य बृद्धि भएको पाइएको अधिकारीहरुले जनाएका छन् । देशका अर्थमन्त्री मिफ्ता इस्माइलले बुधबार फेरि मूल्य बृद्धि भएको घोषणा गरेका हुन ।

विश्व बजारमै पेट्रोलियम पदार्थको मूल्य बढेकाले पाकिस्तानमा पनि बढेको उनको भनाई छ । उनले विश्वबजारमा बढेपछि आफ्नो देशमा पनि बढाउनुको विकल्प नरहेको बताए ।

उहाँले पेट्रोलियम पदार्थको मूल्य व्यवस्थापनमा अघिल्लो सरकारका पनि केही कमजोरीका कारण समस्या भएको आरोप लगाए ।

गत मे २६ मा १४४.१५ पाकिस्तानी रुपैँया रहेको डिजलको मूल्य अहिलेसम्म ८३ प्रतिशत वृद्धि भएर २६३ं.३१ पाकिस्तानी रुपैँया पुगेको उनले जानकारी गराए ।

त्यसैगरी पेट्रोलको मूल्य १४९.८६ बाट पटक पटक बढेर अहिले २३३.७९ रुपैँयामा पुगेको अधिकारीहरूले जनाएका छन् । त्यसैगरी मट्टीतेलको मूल्य मे २६ मा ११८.३१ रहेकोमा अहिले ७३ प्रतिशतले बढेर २११.४३ पाकिस्तानी रूपैया पुगेको छ ।

प्रकाशित मिति: बिहीबार, असार २, २०७९ २०:२३

प्रतिक्रिया दिनुहोस्