आयल निगमले फेरी बढायो इन्धनको भाउ, पेट्रोलको मूल्य लिटरको १४२ रुपैयाँ

मुख्य समाचार

गृहपृष्ठ
मुख्य समाचार

आयल निगमले फेरी बढायो इन्धनको भाउ, पेट्रोलको मूल्य लिटरको १४२ रुपैयाँ

क्यापिटल नेपालमंगलबार, माघ १८, २०७८

काठमाडौं । नेपाल आयल निगमले डिजेल, पेट्रोल र मट्टितेलको मूल्य वृद्धि गरेको छ । आज राति १२ बजेदेखि लागू हुने गरी निगमले डिजेल, पेट्रोल र मट्टितेलको मूल्य बढाएको हो ।

योसँगै डिजेल र मट्टितेलको मूल्य प्रतिलिटर १२५ तथा पेट्रोलको मूल्य प्रतिलिटर १४२ रुपैयाँ पुगेको छ । यस्तै एलपी ग्यासको मूल्य भने यथावत राखिएको निगमले जनाएको छ ।

निगमले आन्तरिक हवाई इन्धनको मूल्य प्रतिलिटर १० ले वृद्धि गरी प्रतिलिटर११६ पुर्याएको छ । त्यस्तै अन्तर्राष्ट्रियतर्फको हवाई इन्धनको मूल्य पनि प्रतिकिलोलिटर १०० अमेरिकी डलरले वृद्धि गरी एक हजार ९५ अमेरिकी डलर पुर्याइएको छ ।पेट्रोलको मूल्य अहिलेसम्मकै सबै भन्दा बढी हो ।

कच्च तेलको भाउ व्यारेलको ९० डलरसम्म पुगेको र इन्डियन आयल कर्पोरेशनले पनि इन्धनको मूल्य बढाएको निगमले जनाएको छ । मूल्य बढाउँदा पनि अझै २ अर्ब २३ करोड रुपैयाँ नोक्सान रहेको निगमले जनाएको छ ।