अमेजनले विदेशी बीउको विक्रीमा लगायो प्रतिबन्ध

मुख्य समाचार

गृहपृष्ठ
मुख्य समाचार

अमेजनले विदेशी बीउको विक्रीमा लगायो प्रतिबन्ध

क्यापिटल नेपालसोमबार, भदौ २२, २०७७

सान फ्रान्सिस्को । हजारौं अमेरिकीहरूले आफूले आदेश नगरेको बीउको प्याकेटहरू प्राप्त गरिको समाचार सार्वजनिक भएपछि अनलाईन व्यापार गर्ने अमेरिकी कम्पनी ‘अमेजन’ले संयुक्त राज्य अमेरिकामा आयात गरिएको बीउको विक्रीमा प्रतिबन्ध लगाएको छ ।

अमेरिकामा खासगरी चीनलगायत विदेशबाट आएका बन्द पोकाहरूभित्र माग नभएका शंकास्पद बीउका दाना भेटिएका विवरणपछि अमेजनको यो निर्णय आएको बताइएको छ ।
‘हामीले केवल अमेरिकी कम्पनीहरूबाट उत्पादित बीउको विक्रीलाई अनुमति दिइरहेका छौं’, अनलाईन विक्री सेवा प्रदायक कम्पनीले शनिवार जारी एक विज्ञप्तिमा उल्लेख छ ।

गत जुलाईको अन्त्यतिर अमेरिकी कृषि विभागले विदेशबाट माग नगरिएका बीउका पोकाहरू अमेरिकी कृषकहरूसम्म पुगेको जानकारी प्राप्त भएको र यस्ता बीउले अमेरिकी कृषि क्षेत्रलाई खतरा उत्पन्न गर्ने भन्दै त्यस्ता बीउ नलगाउन कृषकलाई निर्देशन गरेको थियो ।

शंकास्पद पोका (पाकेट) हरू खोलेर हेर्दा पुदीना, रायो, गुलाबलगायत विभिन्न १४ ओटा प्रजातीका साग तथा फूलको बीउ भेटिएको विभागले दावी गरेको छ ।

कृषि विभागले १२ अगस्टमा जारी एक विज्ञप्तिमा भनिएको छ, ‘यस समयमा हामीसँग यो ‘बीउलाई विस्थापन गर्ने हौवा’ बाहेक अरु केहि हो भन्ने कुनै प्रमाण छैन । कहिलेकाहीं विक्रेताहरूबाट केही यस्ता अनावश्यक चीजहरू प्राप्त हुन्छन् जसले विक्रीलाई बढावा दिन गलत ग्राहक समीक्षा पठाइदिन्छन् । रासस/ एएफपी

प्रकाशित मिति: सोमबार, भदौ २२, २०७७ ०६:४२

प्रतिक्रिया दिनुहोस्