धरौटी रकम बराबरको व्यावसायिक कर्जा उपलब्ध गराउन वैदेशिक रोजगार व्यवसायीको माग

मुख्य समाचार

गृहपृष्ठ
मुख्य समाचार

धरौटी रकम बराबरको व्यावसायिक कर्जा उपलब्ध गराउन वैदेशिक रोजगार व्यवसायीको माग

क्यापिटल नेपालबिहीबार, असार २५, २०७७

काठमाडौं । वैदेशिक रोजगार व्यवसायीहरुले निश्चित समयका लागि व्यावसायिक कर्जा उपलब्ध गराउन सरकारसँग माग गरेका छन् ।

बिहीबार प्रगतिशिल वैदेशिक रोजगार व्यवसायी मञ्चले उप्रधान तथा रक्षामन्त्री इश्वर पोखरेललाई भेटी ४ बुँदे ज्ञापनपत्र बुझाउँदै कोरोनाका कारण व्यवसाय असहज परिस्थितीमा रहेको भन्दै इजापत्र पत्रका लागि राखेको धरौटी रकम बराबरको व्यावसायिक कर्जा उपलब्ध गराउन माग गरेका हुन् ।

वैदेशिक रोजगार व्यवसायीहरुले इजापत्र पत्रका लागि न्यूनतम २ करोड (५० लाख नगद र डेढ करोड बैंक ग्यारेन्टी) र अधिकतम ६ करोड (२ करोड नगद र ४ करोड बैंक धरौटी) सरकारी कोषमा राखेका छन् । यसबाट बैंक ग्यारेन्टीलाई यथावत राखी नगद धरौटीबराबार कर्जा उपलब्ध गराउन सरकारसँग माग गरेका हुन् ।

त्यस्तै व्यवसायीहरुले वार्षिक एक सय जना कामदार पठाउने प्रावधान र नपठाएर कम्पनी नविकरण नहुने व्यवस्थालाई हटाएर ऐन नै संशोधन गर्नुपर्ने माग राखेका छन् । लामो समय मलेसिया बन्द भएको र अहिले कोरोनाका कारण व्यवसाय ठप्प भएकाले वार्षिक एकसय जना पठाउनुपर्ने प्रावधान हटाउन व्यवसायीले माग गरेका हुन् ।

त्यसैगरि, व्यवसायीहरुले सम्बन्धित अन्य व्यवसाय सञ्चालन गर्न नपाउने व्यवस्थालाई पनि हटाउन माग गरेका छन् । व्यवसाय गर्न पाउनु स्वतन्त्र अधिकार भएकाले वैदेशिक रोजगार व्यवसायी र नीजका एकाघरका आफन्तमा बन्देज गर्न नहुने उनीहरुको तर्क छ ।

त्यस्तै सेवाशुल्क १० हजारको सट्टा एक महिनाबराबरको तलब लिन पाउनुपर्ने व्यवस्था गर्न सरकारसँग माग गरेका छन् ।

प्रकाशित मिति: बिहीबार, असार २५, २०७७ २२:५२

प्रतिक्रिया दिनुहोस्