रोजगारदाता परिषद्को ‘अति गोप्य’ निर्णयले एफएनसीसीआईको ह्वाट्सएप ग्रुपमा खैलाबैला

रोजगार

गृहपृष्ठ
रोजगार

रोजगारदाता परिषद्को ‘अति गोप्य’ निर्णयले एफएनसीसीआईको ह्वाट्सएप ग्रुपमा खैलाबैला

क्यापिटल नेपालसोमबार, वैशाख ८, २०७७

काठमाडौं । रोजगारदाता परिषद्ले श्रमिकको पारिश्रमिकलाई लिएर गरेको निर्णय ‘अति गोप्य’ राखिएपछि नेपाल उद्योग वाणिज्य महासंघको ह्वाट्स एप ग्रुपमा खैलाबैला मच्चिएको छ ।

महासंघका प्रदेश नः तीनका संयोजक तथा उद्योगी दिनेश श्रेष्ठले आइतबार परिषद्ले गरेको निर्णय गोप्य राख्नुको कारण पदाधिकारीसमक्ष माग गरेपछि त्यहाँ खैलबैला मच्चिएको छ ।

श्रेष्ठले महासंघको फाेरम फर अल एफएनसीसीआई नामक ह्वाट्स एप ग्रुपमा अनलाइनमा श्रमिकको इश्यू आइरहेको फरकफरक खबरका बारेमा महासंघका ओबी वा कार्यसमिति सदस्य कोही छन्, जसले स्पष्ट गर्न सक्छ ? महासंघको तर्फबाट सरकारलाई के धारणा राखे? के निर्णय भयो ? के कुरा भयो ? हामी आभारी हुने थियौ’ भन्दै प्रश्न गरेपछि महासंघका जिल्ला नगरका उपाध्यक्ष किशोर श्रेष्ठले साथीहरु दिनेशजीले आवश्यक जानकारी माग्नु भएको छ । यसमा कुनै निर्णय भएको मलाई जानकारी छैन भन्ने जवाफ दिएका छन् ।

आइतबार रोजगारदाता परिषद्ले गरेको निर्णय सार्वजनिक नगरेपछि ह्वाट्सएप ग्रुपमा निर्णय लुकाउनुको कारण माग गरिएको छ । यस विषयमा अध्यक्ष भवानी राणाले कुनै प्रतिक्रिया दिइकी छैनन् ।

आइतबार गरिएको निर्णय अहिलेसम्म पदाधिकारी वा कार्यसमितिलगायत कुनै पनि उद्योगीलाई नदिइएपछि महसंघको ग्रुपमा निर्णय लुकाउनुको कारण र उद्देश्य खोजिएको छ ।

श्रमिकको विषयमा रोजगारदाता परिषद् बैठकले गरेको निर्णय तत्काल सार्वजनिक गर्न सम्पूर्ण उद्योगीले माग गरेका छन् । स्रोतका अनुसार श्रमिकलाई दिने पारिश्रमिकको विषयलाई लिएर चौतर्फी चासो बढिरहेको छ ।

प्रकाशित मिति: सोमबार, वैशाख ८, २०७७ ११:५७

प्रतिक्रिया दिनुहोस्