जम्मु–कस्मिर आक्रमण: मोदीले छोट्याए साउदी भ्रमण, आजै भारत फर्कने

अन्तर्राष्ट्रिय

गृहपृष्ठ
अन्तर्राष्ट्रिय

जम्मु–कस्मिर आक्रमण: मोदीले छोट्याए साउदी भ्रमण, आजै भारत फर्कने

क्यापिटल नेपालबुधबार, वैशाख १०, २०८२

काठमाडाैं। भारतीय प्रधानमन्त्री नरेन्द्र मोदीले जम्मु–कस्मिरको पाहलगाममा भएको आतंकवादी आक्रमणको घटनापछि आफ्नो साउदी अरबको राजकीय भ्रमण छोट्याउने निर्णय गरेका छन्। प्रधानमन्त्री मोदी आज राति भारत फर्किने भएका हुन्।

साे आक्रमण मंगलबार बैसरान भन्ने स्थानमा भएको थियाे। आतंककारीहरूले पर्यटक,स्थानिय बासिन्दा र व्यवसायिक गतिविधिमा संलग्न नागरिकहरूमाथि अन्धाधुन्ध गोली प्रहार गरेका थिए। घटनामा कम्तीमा २८ जनाले ज्यान गुमाएका छन्, जसमा २२ जना भारतीय पर्यटक, दुई जना स्थानिय नागरिक र दुई जना विदेशी नागरिक (एक नेपाली र एक युएईका नागरिक) रहेका छन्। थप ३६ जना घाइते भएका छन्।

साे आतंकवादी हमलाको जिम्मेवारी लश्कर-ए-तैयबा नामक पाकिस्तानस्थित आतंवादी समूहको छायाँ संगठन ‘द रेसिस्टेन्स फ्रन्ट’ ले लिएको छ। प्रधानमन्त्री मोदीले घटनाको गहिरो निन्दा गर्दै मृतकप्रति श्रद्धाञ्जली अर्पण गरेका छन्। साथै,उनले घाइतेहरूको शीघ्र स्वास्थ्यलाभको कामना गरे। दोषीहरूलाई कारबाहीको दायरामा ल्याइने र आतंकवादविरुद्ध सरकारको अडान अझ कडा हुने उनले स्पष्ट सन्देश दिएका छन्।

प्रकाशित मिति: बुधबार, वैशाख १०, २०८२ १२:१२

प्रतिक्रिया दिनुहोस्