पर्यटनलाई आर्थिक समृद्धिसँग जोड्नुपर्ने मुख्यमन्त्री पाण्डेको जोड

राजनीति

गृहपृष्ठ
राजनीति

पर्यटनलाई आर्थिक समृद्धिसँग जोड्नुपर्ने मुख्यमन्त्री पाण्डेको जोड

क्यापिटल नेपालआइतबार, चैत ३१, २०८१

तनहुँ। गण्डकी प्रदेशका मुख्यमन्त्री सुरेन्द्रराज पाण्डेले पर्यटनलाई आर्थिक समृद्धिसँग जोड्नुपर्नेमा जोड दिएका छन्।

बन्दीपुरमा आजदेखि सुरु भएको १२ औँ सांस्कृतिक तथा महोत्सवको उद्घाटन गर्दै उनले बन्दीपुर पर्यटकीय सम्भावना बोकेको पालिका भएकाले पर्यटनलाई समृद्धिसँग जोड्नुपर्ने बताएका हुन्।

गण्डकी प्रदेशको राजधानी पोखरापछिको प्रमुख पर्यटकीय गन्तव्यका रुपमा बन्दीपुर विकास भइरहेको चर्चा गर्दै उनले बन्दीपुरको पर्यटन विकासका लागि प्रदेश सरकारले सहयोग गर्ने बताए।

मुख्यमन्त्री पाण्डेले भने, 'पर्यटनलाई स्थानीयको आयआर्जनसँग जोड्नु पर्छ। त्यसका लागि पालिकासँग मिलेर के गर्न सकिन्छ हामी सहयोग गर्छौं।'

बन्दीपुर भ्रमण वर्ष सफल बनाउन र नयाँ वर्षमा बन्दीपुरमा घुम्न आउने आन्तरिक तथा बाह्य पर्यटकलाई मनोरञ्जन प्रदान गर्न सांस्कृतिक महोत्सव आयोजना गरिएको बन्दीपुर भ्रमण वर्ष २०२५ का संयोजक वैशबहादुर गुरुङले बताए।

प्रकाशित मिति: आइतबार, चैत ३१, २०८१ १८:१२

प्रतिक्रिया दिनुहोस्