ईभी गाडीमा मापदण्ड नहुँदा बैंकिङ चुनौती बढ्न सक्छ- अध्यक्ष कोइराला

अटो

गृहपृष्ठ
अटो

ईभी गाडीमा मापदण्ड नहुँदा बैंकिङ चुनौती बढ्न सक्छ- अध्यक्ष कोइराला

क्यापिटल नेपालमंगलबार, चैत २६, २०८१

काठमाडौं। नेपाल बैंकर्स संघका अध्यक्ष सन्तोष कोइरालाले विद्युतीय सवारी साधन भित्र्याउने सवालमा पहिला नीति स्पष्ट बनाएर अगाडि बढ्नुपर्ने बताएका छन्।

मंगलबार काठमाडौंमा आयोजित एक कार्यक्रममा अध्यक्ष कोइरालाले भने, ‘ईभीको लहर जता कुँदिरहेको छ, त्यतै दौडिनेभन्दा सरकारले पहिले नीति बनाएर स्पष्ट भएर अगाडि बढ्न आवश्यक छ नीति बनाउँदा प्राविधिक पाटो, चार्जिङ स्टेसन र पूर्वाधारसँगै कसलाई गाडी ल्याउन दिने र कस्तालाई दिने भन्ने कुरामा स्पष्ट हुनुपर्छ।’

उनले पछिल्लो २ वर्षदेखि विद्युतीय सवारी साधनमा लगानी बढिरहँदा बैंकले सहयोग गरिरहेको अवस्था भएको बताए। तर, बैंकले कर्जा दिँदा पनि यसको विशेषता र जोखिमलाई अध्ययन गर्ने गरेको उनको भनाइ थियो।

‘नेपालमा सवारी साधनको आयातमा कुनै अनुभव नभएका जोसुकैले बजारमा ईभी ल्याउँदा चुनौती बढेको छ,’ उनले भने, ‘सरकारले ईभी गाडीमा कुनै मापदण्ड नबनाउँदा बैंकिङ चुनौती बढ्न सक्छ।’

उनले ईभीतर्फ अगाडि बढ्दै गर्दा कुन मोडेलमा जाने भन्ने विषय स्पष्ट हुनुपर्ने बताए

प्रकाशित मिति: मंगलबार, चैत २६, २०८१ १५:४२

प्रतिक्रिया दिनुहोस्