नेप्सेमा चार कम्पनीको करिब ७२ लाख कित्ता बोनस सेयर सूचीकृत

सेयर

गृहपृष्ठ
सेयर

नेप्सेमा चार कम्पनीको करिब ७२ लाख कित्ता बोनस सेयर सूचीकृत

क्यापिटल नेपालमंगलबार, चैत २६, २०८१

काठमाडौं। नेपाल स्टक एक्सचेन्ज (नेप्से )मा चार कम्पनीको बोनस सेयर सूचीकृत भएको छ। नेप्सेमा कालिका लघुवित्त, राधी विद्युत्, नागरिक लगानी कोष, जीवन विकास लघुवित्तको करिब ७२ लाख कित्ता बोनस सेयर सूचीकृत गरिएको हो।

नेप्सेका अनुसार नागरिक लगानी कोषको ४२ लाख ४० हजार ३७२ कित्ता सेयर सूचीकृत भएको छ। कम्पनीले गत वर्षको नाफाबाट सेयरधनीलाई वितरण गरेको ७ प्रतिशत बोनस सेयर नेप्सेमा सूचीकृत गराएको हो।

यस्तै, जीवन विकास लघुवित्तको १४ प्रतिशत बोनस बराबर हुन आउने १८ लाख ८६ हजार ५२६.४६ कित्ता सेयर सूचीकृत भएको छ।
कालिका लघुवित्तको ९.५० प्रतिशत बोनस सेयर बराबर हुन आउने ३ लाख ५३ हजार ७०५.६५ कित्ता सेयर सूचीकरण गरिएको छ।

राधी विद्युतको ८ लाख ३३ हजार ९०४.७० कित्ता सेयर सूचीकृत भएको छ। कम्पनीले गत वर्षको नाफाबाट सेयरधनीलाई वितरण गरेको ४.७५ प्रतिशत बोनस सेयर नेप्सेमा सूचीकरण गराएको हो।

उक्त सेयर डिम्याट खातामा जम्मा भएपछि कारोबार गर्न सकिने नेप्सले जनाएको छ।

प्रकाशित मिति: मंगलबार, चैत २६, २०८१ ०६:४९

प्रतिक्रिया दिनुहोस्