काठमाडौंको सुकेधारा चोकमै छ, होटल मर्क्योर। पछिल्लो समय थपिएको पाँचतारे होटलमध्येको सबैभन्दा बढी चर्चामा रहेको मर्क्योर फ्रान्सको पहिलो फ्रेन्चाइजी होटल हो। सोही कारण युरोपेली पर्यटकको आकर्षण बढिहालेको छ। अन्य मुलुकका मक्र्योरप्रेमी र नेपालीको रोजाइमा पनि परिरहेको छ।
बाह्रौं तलामा छ शुक्रबार
३६० डिग्रीको भ्यू देखिने गरी मर्क्योरको १२औं तलामा शुक्रबार नामक रेस्टुरेन्ट सञ्चालनमा ल्याइएको छ। स्वदेशी एवं विदेशी पर्यटक लक्षित लाइभ म्युजिकसहितको सुविधा रेस्टुरेन्टमा रहेको होटलका मार्केटिङ एन्ड कम्युनिकेसन म्यानेजर सुदिका प्रधानले जानकारी दिइन। शुक्रबार रेस्टुरेन्ट ‘इन्डोर र आउटडोर’ सञ्चालनमा छ।
त्यहाँबाट देखिने रात्रिकालीन दृश्यले जोकोहीको मन लोभ्याउँछ। शुक्रबारमा काठमाडौंको दृश्यमा लठ्ठिँदै स्वीमिङको मज्जासमेत लिन सकिन्छ। प्राइभेट पार्टीसमेत गर्न मिल्ने शुक्रबारमा पछिल्लो समय धेरैको आकर्षण बढिरहेको छ।
सोप्रा इटालियानो
इटालियन स्वादप्रेमीलाई लक्षित गर्दै मक्र्योर काठमाडौंमा इटालियन रेस्टुरेन्ट ‘सोप्रा इटालियानो’ सुरु भएको छ। सोप्रा इटालियानोको मेनुमा इटालियन ताजा पिज्जा, पास्ता तथा उत्कृष्ट इटालियन डिजर्ट समावेश गरिएको छ। परिकारले सबै ग्राहकलाई इटालीको वास्तविक स्वाद पस्किने बताइएको छ।
रेस्टुरेन्टको वातावरणमा परम्परागत इटालियन आकर्षणलाई आधुनिक सौन्दर्यसँग संयोजन गर्दै पारिवारिक जमघट, विशेष उत्सव तथा डिनरका लागि उपयुक्त बनाइएको होटलका महाप्रबन्धक विजय नन्मरन एसले बताए।
यो रेस्टुरेन्ट आउटलेट इटालियन खानापारखीका लागि नयाँ र उत्कृष्ट गन्तव्य बन्ने अपेक्षा गरिएको छ। रोमन यात्री देवता मक्र्युरीबाट प्रेरित मर्क्योर आवास सुविधा मात्र नभई स्थानीय संस्कृति र अनुभवसहितको आतिथ्य सेवा हो। सन १९७३ मा फ्रान्समा स्थापना भएको यो ब्रान्डले विश्वव्यापी मापदण्डलाई स्थानीय स्वादसँग मिसाएर उत्कृष्ट आतिथ्य सेवा दिँदै आएको छ।
विश्वका ११० बढी देशमा ५ हजार ७ सयभन्दा बढी संरचना भएको अकोर हस्पिटालिटी समूहको सदस्यका रूपमा मक्र्योरले आतिथ्य क्षेत्रमा गुणस्तरीय आतिथ्य सेवा दिँदै आएको छ।
अकोर हस्पिटालिटीको मक्र्योर ब्रान्डमा ६० भन्दा बढी देशमा हजार बढी होटल सञ्चालनमा छन। पाहुनालाई ‘फिल लोकल एभ्रीह्वयेर’ को अनुभव उपलब्ध गराउनु मर्क्योरको मुख्य विशेषता हो।
अन्तर्राष्ट्रिय ब्रान्डमा लोकल मिश्रण
अन्तर्राष्ट्रिय ख्यातिप्राप्त ब्रान्ड मक्र्योरमा नेपाली कलासाहित्यलाई झल्काउने खाले संरचनासमेत निर्माण गरिएको छ। होटल प्रवेशसँगै नेपाली मौलिकता झल्काउने सजावट मात्र गरिएको छैन, विभिन्न आर्टसमेत त्यही खाले बनाइएको छ। झट्ट भित्र प्रवेश गर्दा कुनै म्युजियममा छिरेको आभास हुने लभीमा दुई हात जोडेर गरिने नमस्कारको आतिथ्यले नेपालीपन दर्शाएको छ।
शान्त वातावरणमा मधुर धुनले ग्राहकलाई ह्यापिनेस मात्र बनाउँदैन त्यहाँ पुग्ने जोकोहीको मन बहलाउँछ। मीठो आतिथ्यमा होटलले गर्ने स्वागतको सबैले मुक्तकण्ठले प्रशंसा गरिरहेका हुन्छन्।
मिथिला आर्टले लोभ्याउँदै
जनकपुर अर्थात् मिथिलाको संस्कृतिलाई झल्काउने गरी होटलमा मिथिला आर्ट गरिएको छ। धर्म र संस्कृतिले समृद्धले नेपालको परिचय विश्वसामु चिनाउन सफल मिथिला आर्टलाई होटलमा देखाउन पाउँदा गर्व लागेको होटल सञ्चालक देशबन्धु बस्नेत(अजित) बताउँछन्।
होटलका कोठामा नेपाली कला–संस्कृति झल्कने चित्र कोरेर प्रत्येक कोठाको बेड माथि आँखीझ्याल बनाइएको छ। सुविधा र लक्जरी होटल बनाइरहँदा यहाँको मुख्य परिचय मिथिला आर्टलाई पनि देखाउन खोजिएको उनको भनाइ छ।
विदेशी एवं स्वदेशी पाहुनालाई होटलमै बसेर मिथिला संस्कृतिबारे जानकारी गराउने उद्देश्यले हातले कुँदेका विभिन्न तस्बिर होटलमा सजिसजावट गरिएको छ। यसले मिथिला आर्टबारे अनविज्ञहरूले थाहा पाउँछन् भने नयाँले पनि त्यसबारे जान्न उत्सुक हुनेछन्।
ब्रेकफास्टमा नेपाली चिया
हुन त, पाँचतारे होटलमा नेपाली चिया पाउनु नयाँ भने हैन। तर, मर्क्योरले आफ्नो चिनारीकै रुपमा मिथिला आर्टसँगै नेपाली चियालाई पनि राखेको छ। बिहानको खाजा अर्थात् ब्रेकफास्टमा होटलका तर्फबाट शुल्कबिनै नेपाली चिया राखिएको हो। विदेशी एवं स्वदेशीले आ–आफ्नो इच्छाअनुसार नेपाली चिया पिउन सक्छन्। यसले नेपालीको पहिचानलाई विश्वबजार पु¥याउन थप सहयोग पुग्ने अपेक्षा होटल सञ्चालकको छ।
पाँच वटा रेस्टुरेन्ट
आधुनिक जिम हल, स्टिम र साउना होटल परिसरमै छ। करिब चार सय अट्ने क्षमताको बैंक्वेट हल बनाइएको छ। दुई वटा बैठक कक्ष छन । ५ रोपनी क्षेत्रफल र १०४ वटा कोठा रहेको होटलमा पाँच वटा रेस्टुरेन्ट छन्। यीमध्ये तीन वटा ग्राउन्ड फ्लोअरमा छन्। अरु दुई वटा १०औं र ११औं तलामा सञ्चालित छन्।
ग्राउन्ड फ्लोअरमा द गोफ, डायन र सोप्राइटालियन रेस्टुरेन्ट छन्। द कोपमा पाहुनालाई स्वागतका लागि वेलकम ड्रिंक्स दिइन्छ। पाहुना चेकइन गर्दा रिफ्रेसमेन्ट होस् भन्ने उद्देश्यले अल्कोहल र नर्मर ड्रिंक्स दिइने गरेको छ।
डायन रेस्टुरेन्ट अलटाइम खाना उपलब्ध गराउने उद्देश्यले सञ्चालन गरिएको हो। यस रेस्टुरेन्टमा लन्च र डिनर दुवैको लिन सकिन्छ। यसमा आलाकाट मेन्यू पनि राखिएको छ, जसमा जोसुकै पाहुना आएर अर्डर गरी खाना खान सक्छन्। बिहानको ब्रेकफास्ट, लन्च र डिनर पाउन सकिन्छ। १०औं तलाको रेन्टुरेन्ट हो, जाइका। यसमा विशेषगरी इन्डियन खाना परिकार पाइन्छन्।
-1743829854.jpg)
