काठमाडौं। राजसंस्था पुनःस्थापनाको मागसहित चैत १५ मा काठमाडौंको तीनकुने वरपर राजावादीले मच्याएको हिंसालगत्तैकाे घटनापछि हालसम्म ५ करोड बराबरको क्षति बिमा मागदाबी परेको नेपाल बिमा प्राधिकरणले जनाएको छ।
राजावादी आन्दोलनकारीले विभिन्न निजी व्यक्तिका घर, अफिस, सरकारी÷निजी सवारीसाधन, उद्योग, कलकारखानालगायतमा तोडफोड, आगजनी र लुटपाट गरेका थिए। आगजनी, तोडफोड र लुटपाटपछिको क्षतिमा करिब ४ करोड ८७ लाख ६८ हजार रुपैयाँ बराबर बिमा दाबी परेको प्राधिकरणले तथ्यांक सार्वजनि गरेको हो।
प्राधिकरणका अनुसार ४३ वटा बिमा दाबीमार्फत उक्त रकम बराबरको बिमा मागदाबी परे पनि दाबी आउने क्रम जारी रहेकाले रकम र संख्या थप बढ्न सक्ने देखिएको छ।
हालसम्म १६ वटा घर तथा व्यवसाय (सम्पत्ति), २२ वटा निजी गाडी, ३ वटा इन्जिनियरिङ तथा ठेकेदार जोखिम र अन्य २ वटा गरी कुल ४३ वटा दाबी परेको हो। प्राधिकरणको विवरणअनुसार सबैभन्दा बढी दाबी सम्पत्ति बिमामा परेको छ । १६ वटा आवेदनमा ३ करोड ११ लाख ६६ हजार रुपैयाँ बराबरको दाबी परेको हो।
यस्तै, मोटर बिमामा १ करोड २९ लाख, इन्जिनियरिङ तथा ठेकेदार जोखिमका ३ दाबीमा ३७ लाख र विविधमा १० लाख रुपैयाँ बराबरको दाबी परेको प्राधिकरणले जनाएको छ। बिमा दाबीमध्ये बुधबारसम्म ४५ हजार रुपैयाँ भुक्तानी भइसकेको प्राधिकरणको सूचनामा उल्लेख छ। शिखर इन्स्योरेन्सले दाबी भुक्तानी गरेको हो।
हाल ११ वटा जीवन बिमा कम्पनीमा विभिन्न बिमांक रकम माग गर्दै निवेदन परेको छ।
कुन कम्पनीमा कति बिमा मागदाबी
