काठमाडौं । फोर्ब्स पत्रिकाले सन् २०२५ का लागि विश्वका अर्बपतिको वार्षिक सूची सार्वजनिक गरेको छ। बुधबार प्रकाशित सूचीमा १ अर्ब डलर बढी सम्पत्ति भएका २९३३ जनाको नाम सार्वजनिक गरिएको हो।
अर्बपतिको पहिलो नम्बरको सूचीमा अमेरिकी अर्बपति व्यापारी एवं टेस्लाका मालिक एलन मस्क परेका छन्। अमेरिकी सरकारी प्रभावकारिता विभाग (डज) का प्रमुखसमेत रहेका मस्कनसँग ३०० अर्ब डलर बराबरको सम्पत्ति छ।
फेसबुकको आधिकारिक कम्पनी मेटाका संस्थापक मार्क जुकरबर्ग र अमेजनका संस्थापक जेफ बेजोस क्रमशः २१६ र २१५ अर्ब डलरसहित दोस्रो र तेस्रो स्थानमा रहेका छन्।
पत्रिकाका अनुसार अन्य १२ जनाको सम्पत्ति १०० बिलियन डलरभन्दा धेरै छ । वनार्ड अनर्डको परिवार, वारेन बफेट, लारी पेज, बर्नार्ड अरनल्ट र परिवार, वारेन बफेट, ल्यारी पेज, सर्गेई ब्रिन, अमान्सियो ओर्टेग, स्टीव बाल्मर, रोब वाल्टन र परिवार, जिम वाल्टन र परिवार, बिल गेट्स, माइकल ब्लूमबर्ग र एलेस वाल्टन रहेका छन्।
सूचीमा आबद्ध नेपालका एक मात्र अर्बपति विनोद चौधरी २ बिलियन डलर १७६३औं स्थानमा परेका छन्। गत वर्ष १ अर्ब ८० करोड अमेरिकी डलर सम्पत्ति रहेको उनको यो वर्ष २० करोड डलरले सम्पत्ति बढेको फोब्र्सले जनाएको छ।
यो वर्ष देशगत रुपमा चीनबाट टिकटकका संस्थापक झाङ यिमिङ ६५ दशमलब ५ विलियन डलरसहित पहिलो नम्बरमा छन्। त्यस्तै, भारतबाट मुकेश अम्बानी ९२ दशमलब ५ डलरसहित पहिलो स्थानमा छन्।
