दोर्दी खोलाको शतप्रतिशत हकप्रद आवेदन खुल्यो

सेयर

गृहपृष्ठ
सेयर

दोर्दी खोलाको शतप्रतिशत हकप्रद आवेदन खुल्यो

क्यापिटल नेपालमंगलबार, चैत १९, २०८१

काठमाडौं। दोर्दी खोला जलविद्युत् आयोजनाले निष्कासन गरेको शतप्रतिशत हकप्रद सेयरमा आजदेखि आवेदन दिन सकिनेछ। कम्पनीले १ः१ अनुपातमा १ करोड ५ लाख ४२ हजार ६०४ कित्ता हकप्रद सेयर जारी गरेको हो।

कम्पनीले १ सय अंकित मूल्यमा १ अर्ब ५ करोड ४२ लाख ६० हजार ४ सय रुपैयाँ बराबरको हकप्रद सेयर निष्कासन गरेको हो।

हकप्रद सेयरका लागि कम्पनीले फागुन १५ गते बुक क्लोज गरिसकेको छ। फागुन १४ सम्म कायम लगानीकर्ताले २०८२ वैशाख ८ गतेसम्म आवेदन दिन सक्नेछन्। कम्पनीले हकप्रद सेयर बिक्री प्रबन्धकमा सानिमा क्यापिटललाई नियुक्त गरेको छ।

आवेदकले सानिमा क्यापिटल नक्साल काठमाडौं र सानिमा बैंकको तोकिएको शाखा कार्यालयबाट आवेदन दिन सकिनेछ। यसका साथै धितोपत्र बोर्डबाट आस्वा अनुमति प्राप्त बैंक–वित्तीय संस्था र मेरो सेयरमार्फत आवेदन दिन सकिने कम्पनीले जनाएको छ।

दोर्दी खोलाको चुक्ता पुँजी १ अर्ब ५ करोड ४२ लाख ६० हजार ४०० रुपैयाँ छ। हकप्रदपछि यस्तो पुँजी २ अर्ब १० करोड ८५ लाख २० हजार रुपैयाँ पुग्नेछ।

प्रकाशित मिति: मंगलबार, चैत १९, २०८१ ०७:५८

प्रतिक्रिया दिनुहोस्