गभर्नर नियुक्ति प्रक्रिया नजिकिएसँगै अर्थ मन्त्रालयले हटायो उमेर हद

राजनीति

गृहपृष्ठ
राजनीति

गभर्नर नियुक्ति प्रक्रिया नजिकिएसँगै अर्थ मन्त्रालयले हटायो उमेर हद

क्यापिटल नेपालसोमबार, चैत १८, २०८१

काठमाडौं। गभर्नर नियुक्तिको समय नजिकिँदै गर्दा अर्थ मन्त्रालयले आफू मातहत निकायमा नियुक्त हुनका लागि आवश्यक पर्ने उमेर हद खारेज गरेको छ।

यसअघि मन्त्रालय मातहत नियुक्तिका लागि न्यूनतम ३० वर्ष र अधिकतम ६५ वर्षको उमेर हद कायम हुँदै आएको थियो। अर्थ मन्त्रालय उक्त उमेर हद हटाइएको हो।

सरकारले ‘अर्थ सम्बद्ध सार्वजनिक निकायमा पदाधिकारी तथा सदस्य नियुक्ति र मनोनयनसम्बन्धी मापदण्ड २०७३’मा दोस्रो संशोधन गरेको हो।

अर्थ मन्त्रालय मातहतमा नेपाल राष्ट्र बैंकसहित १५ वटा निकायमा यो नियम लागू हुनेछ। यसअघिको मापदण्डमा निकायको कार्यकारी प्रमुखका हकमा ३० वर्ष र कार्यकारी प्रमुखबाहेक अन्य पदाधिकारी र सदस्यका हकमा ३५ वर्ष उमेर पूरा भई ६५ वर्ष ननाघेको हुनुपर्ने नियम थियो।

नयाँ प्रावधानमा यी सबै बुँदा हटाइएको छ। मन्त्रालय मातहतका निकायमा सम्बन्धित ऐन कानुन आकर्षित हुन्छन्।

उमेरको सीमा राख्दा ऐनसँग बाझिएको भन्दै अदालतमा समेत प्रश्न उठेको भन्दै अर्थले यी विषय संशोधन गरेको जनाएको हो।

प्रकाशित मिति: सोमबार, चैत १८, २०८१ २१:५७

प्रतिक्रिया दिनुहोस्