पूर्वराजाले काठमाडौं महानगरको जरिवाना पत्र बुझ्न नमानेपछि हुलाकमार्फत पठाउने तयारी

समाज

गृहपृष्ठ
समाज

पूर्वराजाले काठमाडौं महानगरको जरिवाना पत्र बुझ्न नमानेपछि हुलाकमार्फत पठाउने तयारी

क्यापिटल नेपालआइतबार, चैत १७, २०८१

काठमाडौं। पूर्वराजा ज्ञानेन्द्र शाहलाई पत्र बुझाउन गएको काठमाडौं महानगरपालिकाको टोली निर्मल निवासको गेटबाटै फर्किएको छ। आज बिहान गएको काठमाडौं महानगरको टोलीलाई निर्मल निवास गेटबाटै प्रहरीले फर्काएको हो।

शुक्रबार राजावादी आन्दोलनको क्रममा तीनकुने कोटेश्वर क्षेत्रमा जथाभावी फोहोर गरी वातावरण प्रदूषण गरेको, सार्वजनिक सम्पत्ति तोडफोड गरेकोमा महानगरले पूर्वराजा ज्ञानेन्द्र शाहलाई ७ लाख ९३ हजार जरिवाना तोकेको छ। सोही जरिवाना पत्र लिएर आइतबार महानगर प्रहरीको टोली निर्मल निवास पुगेको थियो। तर, उनीहरूलाई गेटबाटै प्रहरीले फर्काइदिएको छ।

उनीहरुले लिएको पत्र पूर्वराजाले बुझ्न नमानेपछि हुलाकलगायत अन्य प्रक्रियाबाट पत्र बुझाउने तयारी गरिएको महानगरले जनाएको छ।

प्रकाशित मिति: आइतबार, चैत १७, २०८१ १२:२१

प्रतिक्रिया दिनुहोस्