प्रहरीलाई दुर्गा प्रसाईंको चुनौती: जहाँ बेलाउँछौ त्यहीँ आउँछु

राजनीति

गृहपृष्ठ
राजनीति

प्रहरीलाई दुर्गा प्रसाईंको चुनौती: जहाँ बेलाउँछौ त्यहीँ आउँछु

क्यापिटल नेपालशुक्रबार, चैत १५, २०८१

काठमाडौं। राजसंस्था पुनर्स्थापनका लागि बनेको संयुक्त जनआन्दोलन समितिका जनकमाण्डर दुर्गा प्रसाईंले आफू जहाँ बोलायो त्यहीँ आउन तयार रहेको भन्दै प्रहरीलाई चुनौती दिएका छन्। शुक्रबार दिउँसो राजावादी समर्थकको हिंसात्मक गतिविधिपछि उनलाई सरकारले पक्राउ गर्न आदेश दिएसँगै सामाजिक सञ्जालमार्फत यस्तो चुनौती दिएका हुन्।

आफूलाई पक्राउ गर्न प्रहरी आइरहन नपर्ने भन्दै उनले आफू थुनिएर आन्दोलन नरोकिने दाबी गरेका छन्। ‘साथीहरु भर्खरै मलाई पक्राउ गर्ने बारेको सुचना प्राप्त भएको छ। मलाई पक्राउ गर्न प्रहरी आइरहन पर्दैन, जहाँ बोलाउछौ त्यही आउँछु्। अब म थुनिएर आन्दोलन रोकिदैन किन कि दुर्गा अब व्यक्ति हैन विचार हो, अभियान हो,’ उनले स्टाटसमा लेखेका छन्।

शुक्रबार राजावादी आन्दोलनमा भएको आगजनी, तोडफोड र लुटपाटको घटनामा मुख्य जिम्मेवार ठहर गर्दै प्रहरीले प्रसाईंलाई पक्राउ गर्नका लागि खोजी कार्य सुरु गरेको छ।