कुलमानलाई अदालतले दिएन स्टे अर्डर, दुवै पक्षलाई आइतबार बोलाइयो

राजनीति

गृहपृष्ठ
राजनीति

कुलमानलाई अदालतले दिएन स्टे अर्डर, दुवै पक्षलाई आइतबार बोलाइयो

क्यापिटल नेपालशुक्रबार, चैत १५, २०८१

काठमाडौं। नेपाल विद्युत प्राधिकरणको कार्यकारी निर्देशकको रुपमा पुनः काममा फर्किन पाउनुपर्ने भन्दै अदालतमा पुगेका कुलमान घिसिङले अन्तरिम आदेश पाएनन्। सरकारले कार्यकारी निर्देशकबाट कुलमानलाई हटाएर हितेन्द्रदेव शाक्यलाई नियुक्ती गरेकाे थियाे।

अदालतले याे विषय बढी संवेदनशील भएकाे र सरकारी पक्षकाे भनाइ नसुनी अन्तरिम आदेश दिन नसकिने भन्दै आइतबारका लागि दुवै पक्षलाइ बाेलाएकाे हाे। घिसिङकाे मुद्दा न्यायाधीश अब्दुल अजिज मुसलमानको इजलासमा गोलापर्थाबाट तोकिएको थियाे।

उक्त आदेशसँगै अदालतले उनीहरु दुवै जनालाई आइतबार बोलाएको छ। चार महिना कार्यकाल बाँकी रहदा सरकारले आफुलाई हटाएको भन्दै अदालतमा अन्तरिम आदेशका लागि पुगेका थिए। शुक्रबार अदालतले कुलमानलाई अन्तरिम आदेश नदिई दुवै पक्षलाई छलफलमा बोलाएसँग तत्कालका लागि उनको प्राधिकरणको यात्रा टुंगिएको छ। योसँगै नवनियुक्त कार्यकारी निर्देशक शाक्यलाई नियमित काममा फर्किन बाटो खुलेको छ।

बिहिबार सर्वोच्च अदालतमा विद्युत् प्राधिकरणबाट बर्खास्तीमा परेका कार्यकारी निर्देशक घिसिङ र नवनियुक्त शाक्य दुवैको रिट निवेदन दर्ता भएको थियो। आफूलाई अन्याय भएको भनि कुलमानले बुधबारअबेर पेश गरेको रिट सर्वोच्चले बिहीबारमात्र दर्ता गरेको थियो। कुलमान सर्वोच्च पुगे लगत्तै हितेन्द्रदेव शाक्य पनि सर्वोच्च पुगेका थिए।

प्रकाशित मिति: शुक्रबार, चैत १५, २०८१ १२:४९

प्रतिक्रिया दिनुहोस्