कुलमान घिसिङ हटाएपछि संसद बैठक सुरु नभई रोकियो

राजनीति

गृहपृष्ठ
राजनीति

कुलमान घिसिङ हटाएपछि संसद बैठक सुरु नभई रोकियो

क्यापिटल नेपालबिहीबार, चैत १४, २०८१

काठमाडौं। सरकारले कुलमान घिसिङलाई बर्खास्त गरेसँगै आज प्रतिनिधिसभा बैठक बस्दै नबसी स्थगित भएको छ।

बिहीबार बिहान ११ बजे बस्ने भनिएको बैठक बस्दै नबसी दिउँसो २ बजे बस्ने गरी स्थगित भएको हो। नेपाल विद्युत् प्राधिकरणको कार्यकारी निर्देशक पदबाट कुलमानलाई हटाएसँगै विपक्षी दलहरूले सदन अवरोध गरेको हो।

यसअघि बुधबार बसेको संसद बैठक पनि बस्न सकेको थिएन। त्यसबारे सभामुख देवराज घिमिरेले विपक्षी दलसँग परामर्श गरेका छन्।

'प्रतिनिधिसभाको बैठक विशेष कारणले निर्धारित समयमा बस्न नसक्ने भएकाले प्रतिनिधिसभा नियमावली, २०७९ को नियम ६ को उपनियम (२)को प्रतिबन्धात्मक वाक्यांश बमोजिम सभामुखले सभाको बैठक आजै दिउँसो २ बजे बस्ने गरी निर्धारण गर्नुभएको व्यहोरा सांसहरूको जानकारीका लागि यो सूचना प्रकाशित गरिएको छ,' पाण्डेद्वारा जारी सूचनामा उल्लेख गरिएको छ।