नेपाल–बंगलादेश व्यापारः आयात ३ अर्ब, निर्यात २७ करोड मात्रै

अर्थतन्त्र

गृहपृष्ठ
अर्थतन्त्र

नेपाल–बंगलादेश व्यापारः आयात ३ अर्ब, निर्यात २७ करोड मात्रै

क्यापिटल नेपालबिहीबार, चैत १४, २०८१

झापा। चालू आर्थिक वर्षको आठ महिनामा बंगलादेशबाट २ अर्ब ९६ करोड ९१ लाख ५२ हजार बराबरका मालसामान आयात तथा २७ करोड ६८ लाख ५४ हजार बराबरको सामग्री उक्त मुलुक निर्यात भएका छन्।

काकँडभिट्टास्थित नेपाल पारवहन तथा गोदाम व्यवस्था कम्पनी प्रमुख सुवास पाण्डेयका अनुसार बंगलादेशबाट सबैभन्दा धेरै १ अर्ब ६० करोड बराबरको अप्रशोधित जुट आयात भएको छ। यसैगरी आयात भएका अन्य वस्तुमा ब्याट्री, पोल्ट्री फिड सप्लिमेन्ट, कस्मेटिक आइटम, हाइड्रोजन प्याराअक्साइड, जुट यार्न, विद्युतीय उपकरण, औषधि, आलु, पेपर, ग्लास, फुड एण्ड वेभरेजका मालसामान छन्।

काँकडभिट्टाबाट २३ करोड ६२ लाख ५८ हजारको खुदो निर्यात भएको छ। समीक्षा अवधिमा जडीबुटी, घरायसी सामग्री तथा पशुआहार पनि बंगलादेश निर्यात भएको छ। द्विदेशीय व्यापारमा सन्तुलन कायम हुन नसकेकामा चिन्ता व्यक्त गर्दै प्रमुख पाण्डेयले बिजुली निर्यातबाट त्यो परिपूर्ति गर्न सकिने बताए।–रासस

प्रकाशित मिति: बिहीबार, चैत १४, २०८१ १०:३६

प्रतिक्रिया दिनुहोस्