झण्डै तीन अर्ब अवैध कारोबार गर्ने ११ भारतीय नागरिक पक्राउ

समाज

गृहपृष्ठ
समाज

झण्डै तीन अर्ब अवैध कारोबार गर्ने ११ भारतीय नागरिक पक्राउ

क्यापिटल नेपालबुधबार, चैत १३, २०८१

काठमाडौं। काठमाडौंको बूढानीलकण्ठबाट ३ अर्बको अभौतिक मुद्रा कारोबार गर्ने गिरोहका ११ जना पक्राउ परेका छन्। पक्राउ पर्ने सबै भारतीय नागरिक रहेको प्रहरीले जनाएको छ।

अनलाइन जुवा (सट्टाबाजी) खेल्ने र खेलाउने गरैकानुनी काम गरिरहेको सूचनाका आधारमा खटिएको प्रहरी टोलीले बूढानीलकण्ठ नगरपालिका ३ देउला टोलस्थित एक घरबाट उनीहरूलाई पक्राउ गरेको हो।

पक्राउ पर्नेहरूमा भारत राजस्थान घर भएका २४ वर्षीय सनी मिणा, २५ वर्षीय मोहित बर्मा, २६ वर्षीय पिउस भारद्वाज, २५ वर्षीय हरकेश डडैया, २२ वर्षीय निशान्त भारद्वाज, २३ वर्षी आकाश बर्मा, १९ वर्षीय अंकितकुमार सैनी, २३ वर्षीय सन्जु शाकला, २८ वर्षीय रामसिंह जाठ, १९ वर्षीय लोकेश कुमार र १९ वर्षकै विकाश कुमार रहेका छन् ।

प्रहरीको प्रारम्भिक अनुसन्धानबाट उनीहरूले २ अर्ब रुपैयाँभन्दा बढी रकमको कारोबार हुने गरी अनलाइन जुवा खेल्ने र खेलाउने कार्य गरेको र ९६ लाखभन्दा बढी रकम बराबरको अभौतिक मुद्रा (क्रिप्टो करेन्सी)को कारोबार गरेको देखिएको छ। उनीहरू सबै जनालाई काठमाडौं जिल्ला अदालतबाट सात दिनको म्याद थप अनुमति लिएर थप अनुसन्धान भइरहेको प्रहरीले जनाएको छ।

प्रकाशित मिति: बुधबार, चैत १३, २०८१ २०:५४

प्रतिक्रिया दिनुहोस्