राप्तीमा फोहरबाट इन्टरलक र टायल उत्पादन सुरु

समाज

गृहपृष्ठ
समाज

राप्तीमा फोहरबाट इन्टरलक र टायल उत्पादन सुरु

क्यापिटल नेपालसोमबार, चैत ११, २०८१

काठमाडौं। दाङको राप्ती गाउँपालिकामा फोहरबाट इन्टरलक र टायर उत्पादन गर्न सुरू भएको छ। राप्ती गाउँपालिका–२ पूण्यपुरमा प्लाष्टिकजन्य फोहरबाट इन्टरलक र टायल उत्पादन सुरू गरिएको हो।

पालिकाभित्रको प्लाष्टिकजन्य फोहरबाट मोहर बनाउने अभियानबमोजिम उक्त कार्य गरिएको पालिका अध्यक्ष प्रकाश विष्टले बताए। फोहरमुक्त पालिका निर्माणका लागि इको फ्यामिली प्रालि हेटौँडासँग सहकार्य गरी उक्त कार्य गरिएको हो।

उनले फर्निचरजन्य सामग्रीसँगै टाँक, कपडाबाट कपास र जैविक वस्तुबाट मल उत्पादनको तयारी भइरहेको जानकारी दिए। स्वच्छ र हरित पालिका निर्माण गर्नुका साथै अनुसन्धानको केन्द्रका रूपमा विकास गर्ने लक्ष्य रहेको उनको भनाइ छ।

“यो नेपालमै पहिलोपटक फोहरलाई यस प्रकार वातावरणमैत्री उत्पादनमा रूपान्तरण गर्ने परियोजना हो”, उनले भने, “यसको सफलता भनेको स्थानीय सरकारहरूको क्षमतामा नयाँ युगको सुरूआत हो।”

प्रकाशित मिति: सोमबार, चैत ११, २०८१ १६:२८

प्रतिक्रिया दिनुहोस्