२४ सै घण्टा उद्योग चलाएर गर्न खोज्या के?

राजनीति

गृहपृष्ठ
राजनीति

२४ सै घण्टा उद्योग चलाएर गर्न खोज्या के?

क्यापिटल नेपालसोमबार, चैत ११, २०८१

काठमाडौं। पछिल्लो समय नेपाल सरकारदेखि उद्योगीहरू नेपाल विद्युत प्राधिकरणका कार्यकारी निर्देशक कुलमान घिसिङविरुद्ध उत्रिँदै आएका छन्। यता, संसददेखि सडकसम्म कुलमानको पक्षमा पनि आवाज उठ्दै आएको छ।

संसदमा प्रतिपक्षी दलहरूका साथै सडकमा जनताले कुलमानलाई साथ दिँदै गर्दा आइतबार उद्योग व्यवसायीको विभिन्न संघ संस्थाले पत्रकार सम्मेलन गरी विद्युत नपाएको भन्दै विरोध जनाए।

नेपाल सिमेन्ट उत्पादक संघ, नेपाल स्टील उत्पादक संघ र नेपाल धागो उत्पादक संघले पत्रकार सम्मेलन गरी विद्युत प्राधिकरणले उद्योगमा लोडसेडिङ जारी राखेको जानकारी दिएको हो।

यता, सरकारको विभागीय मन्त्रालय ऊर्जा, जलस्रोत तथा सिँचाइका मन्त्री दिपक खड्काले पदभार सम्हालेसँगै कुलमानमाथि पटक-पटक स्पष्टीकरण सोध्दै आएका छन्। उनले कुलमानले काम गर्न नसकेको भन्दै पदबाट हटाउन चाहे पनि असम्भव भएको हो।

यता, मन्त्री खड्काले कार्य सम्पादन मूल्यांकनमा कुलमानलाई शून्य अंक दिएका थिए। यसअघि कुलमानले आफूलाई ९८.९९ अंक दिएर मन्त्रालयमा पठाएका थिए।

कुलमानले आफूलाई कार्य सम्पादन ९८.९९ अंक मूल्यांकनमा गरे पनि पछिल्लो समय उद्योगहरूमा विद्युत कटौती भएको समाचार बाहिरिएको हो। यसअघि कुलमानले उद्योगी व्यवसायीलाई ट्रङ्क र डेडिकेटेड लाइन प्रयोग गरेर भुक्तानी नगरेको भन्दै विरोध गर्दै आएका थिए।

प्रकाशित मिति: सोमबार, चैत ११, २०८१ १६:३५

प्रतिक्रिया दिनुहोस्