काठमाडौं । काठमाडौंको भृकुटीमण्डपमा जारी सूचना प्रविधि मेला क्यान इन्फोटेकमा आफ्नो सेवाको बजारीकरण गर्न कम्पनीहरु बीच चर्को प्रतिस्पर्धा देखिएको छ । सेवाग्राही तथा अवलोकनकर्ताको ध्यान समेत त्यस्तै स्टल तर्फ बढी देखिएको छ ।
बिशेषगरी सेवा प्रदायकले स्टलबाट दिएके छूटले अवलोकनकर्तालाई आकर्षित बनाएको छ । मेलामा सेवा मुलक स्टलहरु, इन्टरनेट सेवाप्रदायक कम्पनी, टेलिकम कम्पनी तथा इलेक्ट्रिक कम्पनीहरुले छुटमा प्रतिस्पर्धा गरेको देखिन्छ । ठूला व्यवसायिक स्टलमा भन्दा साना तथा दैनिक जिवनमा काम लाग्ने समान राखिएका स्टलमा बढी घुइचो देखिन्छ ।
क्यान इन्फोटेकमा वल्र्डलिङ्क, भायनेट, एनसेल, नेपाल टेलिकमलगायतका कम्पनीले आकर्षक छूट दिइरहेका छन् । क्यानमा अन्तर्राष्ट्रिय ब्राण्डका होम अप्लायन्समा भने एलजी मात्रै रहेको छ ।
प्रभुले मेलामा ९ सय ९९ मै ३० एमबीपीएस इन्टरनेट दिने योजना सर्वजनिक गरेको छ । त्यस्तै स्मार्ट र टेलिकमले सिमकार्ड वितरणलाई मूख्य प्रथामिकतामा राखेका छन् ।
रोबोटिक्स, स्टार्टअप कम्पनी, गेमिंगलगायतका नयाँ प्रविधिमा आकर्षण बढी दखिएको मेला आयोजक कम्प्युटर एसोसियसन अफ नेपाल–क्यान महासंघका अध्यक्ष नवराज कुँवरले बताए । ‘ठूला र महङ्गो सामान भएको स्टलमा भन्दा साना स्टलमै बढी चहलपहल देखिन्छ,’ उनले भने ।
मेलामा स्मार्ट घर एप, ई–वेस्ट कलेक्सन, मेरो यात्रा, फाइनाइन्सियल नोटिस, सोसाइटी डेभलपमेन्ट डट ओआरजी, स्मार्ट केयर डट कम, काठमाडौं अग्र्यानिक्स, सजिलो मर्मत सेवा, स्कील सेवा, ई–टिकेट नेपाल, सर्वनाम सफ्टवेयर, हाम्रो लाइफ बैंक, डिजिटल नेपालजस्ता स्टार्टअपका स्टल पनि छन् । अवलोकनकर्ताले ती स्टार्टअपहरुले दिने सेवामा चाँसो देखाइरहेका छन् ।
मेलामा आएका रविकिरण उपाध्ययले क्यान मेलाबाट प्रविधिलाई बुझ्ने र नयाँ आएका प्रविधिलाई उपभोग गर्ने तरिकाको बिषयमा जान्ने मौका पाएको बताए । मेलामा मोबाइल, ल्यापटप, टेलिभिजन, कम्प्युटर, प्रिन्टर, लगायतका सामानमा बिशेष छूट छ । केही ब्राण्डले मेलामा ५० प्रतिशतसम्म छुटमामोबाइल बिक्री गरिरहेका छन् ।
एक सय ७५ स्टल रहेको मेलामा इलेक्ट्रिकल तथा इलेक्ट्रोनिक्स, सेक्युरिटी सोलुशन, सोलार पावर सिस्टम, इन्भर्टर, यूपीएस, ल्यापटप तथा डेस्कटप कम्प्युटर, प्रिन्टर, पावर सिस्टम, कम्प्युटर एसेसरिज, एण्टिभाइरस सफ्टवेयर, बैंकिङ सोलुसन, सीसीटीभी र हार्ड डिस्क जस्ता उत्पादनका स्टल समेत छन् ।
त्यसैगरी, आईटी कलेज, बैंक, बीमा तथा लेखासम्बन्धी सफ्टवेयर, सेल्फ लर्निङ सफट्वेयर तथा ट्युटोरियल, मोबाइल आदि समेत प्रदर्शनीका आकर्षणको रुपमा रहेका छन् ।
क्यानले प्रविधिका क्षेत्रमा भएका नवीनतम सोँचलाई प्रवद्र्धन गर्न स्टार्टअप कम्पनीहरुलाई विशेष प्राथमिकतामा राखेकोक्यानका अध्यक्ष कुँवरले बताए । उनले क्यान इन्फोटेकबाट सरकारले लिएको डिजिटल नेपालको लक्ष्यलाई सहयोग पुग्ने विश्वास व्यक्त गरे ।
-1736326759.jpeg)
