यामाहा नेपालले सुरु गर्‍यो हाइएस्ट माइलेज इन नेपाल अभियान

अटो

गृहपृष्ठ
अटो

यामाहा नेपालले सुरु गर्‍यो हाइएस्ट माइलेज इन नेपाल अभियान

क्यापिटल नेपालसोमबार, चैत ११, २०८१

काठमाडौं। यामाहा नेपालले हाइएस्ट माइलेज इन नेपाल अभियान सुरु गरेको छ। यामाहा रेजेडआर १२५ एफआई हाइब्रिडको लागि यामाहाले सो अभियान सुरु गरेको हो।

७१.३३ किलोमिटर प्रतिलिटरको एआरएआई-प्रमाणित माइलेजको साथ इन्धन दक्षतामा नयाँ बेन्चमार्क स्थापित गर्दै हाइएस्ट माइलेज इन नेपाल अभियान सञ्चालन गरिएको कम्पनीले बताएको छ। एड्भान्स हाइब्रिड टेक्नोलोजीका साथ निर्माण भएको रेजेडअर १२५ एफआई हाइब्रिडले पावर, दक्षता र स्मार्ट इनोभेसनको सन्तुलन प्रदान गर्ने कम्पनीले जनाएको छ। जसले पर्फर्मेन्स र माइलेज दुबै खोज्ने राइडरहरूको लागि उपयुक्त विकल्प बनाएको छ।

कम्पनीका अनुसार रेजेडआर १२५ एफआई हाइब्रिडमा हाइब्रिड पावर असिस्ट प्रणाली रहेको छ जसले एक्सेलेरेशनको समयमा अतिरिक्त टर्क बूस्ट प्रदान गर्दै सहज एवम् शक्तिशाली सवारी सुनिश्चित गर्दछ। यसको अन-बोर्ड डायग्नोस्टिक्स प्रणालीले निरन्तर रियल-टाइम इन्जिन हेल्थको निगरानी र चिन्तामुक्त सवारी अनुभवको लागि टिकाउ र विश्वसनीयता बनाउने कम्पनीको भनाइ छ।

खेलकुद र युवा संलग्नताप्रति प्रतिवद्ध यामाहा रेजेडआर १२५ एफआई हाइब्रिड आगामी नेपाल सुपर लिग सिजन ३ मा काठमाडौं रेजर्स टिमको टाइटल स्पोन्सर हो। एनएसएल सिजन १ को च्याम्पियनको रूपमा रेजर्सले नेपालको फुटबल लिगमा आफूलाई एक प्रमुख शक्तिशाली टोलीको रूपमा स्थापित गरेको छ।

प्रकाशित मिति: सोमबार, चैत ११, २०८१ ११:४९

प्रतिक्रिया दिनुहोस्