प्लाई उद्योगमा आगलागी हुँदा करोडौंको क्षति, जोखिममा ३० घर

समाज

गृहपृष्ठ
समाज

प्लाई उद्योगमा आगलागी हुँदा करोडौंको क्षति, जोखिममा ३० घर

क्यापिटल नेपालसोमबार, चैत ११, २०८१

दाङ। घोराही उपमहानगर–९ खैरास्थित सांग्रिला प्लाई उद्योगमा आगगाली हुँदा करोडौं रुपैयाँको क्षति भएको छ। उक्त उद्योगमा विद्युत् सर्ट भएर आगलागी भएको हो।

जिल्ला प्रहरी कार्यालयका प्रहरी नायव उपरीक्षक चक्रबहादुर शाहका अनुसार आठ बिघा क्षेत्रफलमा रहेको सो उद्योगमा आगलागीका कारण नजिकका ३० भन्दा बढी घर जोखिममा छन्। ती घरका सामान बाहिर निकाल्ने काम भइरहेको छ भने त्यहाँ बस्दै आएका नागरिकलाई सुरक्षित स्थानमा लगिएको उनले बताए।

आगलागीबाट प्लाई बनाउन प्रयोग हुने काठ, कच्चा पदार्थ, प्लाई बनाउने मेसिनलगायत सामग्री जलेर नष्ट भएको छ। उद्योगमा गए राती २ बजेदेखि लागेको आगो अझै निभाउन सकिएको छैन।

अहिले घोराही, तुलसीपुर, लमही, गढवा र कपिलवस्तुबाट ल्याइएका दमकलको सहयोगमा आगो निभाउने काम भइरहेको छ।आगलागी नियन्त्रणमा लिन ठूलो संख्यामा नेपाल प्रहरी, सशस्त्र प्रहरी बल, नेपाली सेना तथा स्थानीय खटिएका छन्।–रासस

प्रकाशित मिति: सोमबार, चैत ११, २०८१ १०:५४

प्रतिक्रिया दिनुहोस्