कुलमानलाई हैरान बनाएपछि प्रचण्डले भने- भ्रष्टाचारमा लिप्त भएका व्यक्तिलाई ऊर्जामन्त्री दिएको छ

राजनीति

गृहपृष्ठ
राजनीति

कुलमानलाई हैरान बनाएपछि प्रचण्डले भने- भ्रष्टाचारमा लिप्त भएका व्यक्तिलाई ऊर्जामन्त्री दिएको छ

क्यापिटल नेपालशनिबार, चैत ९, २०८१

काठमाडौं। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले भ्रष्टाचारमा लिप्त भएका व्यक्तिलाई ऊर्जा मन्त्री बनाएको भन्दै आक्रोशित व्यक्त गरेका छन्।

प्रधानमन्त्री केपी शर्मा ओली नेतृत्वको वर्तमान सरकारका ऊर्जा, जलस्रोत तथा सिँचाइ मन्त्रीमा नेपाली कांग्रेसका नेता दीपक खड्का छन्। प्रचण्डले खड्कालाई भ्रष्टाचारमा लिप्त हुने व्यक्ति भनेका हुन्।

शनिबार चितवनमा आयोजित जनतासँग माओवादी तराई-मधेस जागरण अभियान जिल्ला समन्वय समितिद्वारा आयोजित सभालाई सम्बोधन गर्दै उनी खड्कामाथि खनिएका हुन्।

उनले भने, ‘मन्त्रीका अनुहारहरू हेर्नुभयो भने सबैभन्दा बढी भ्रष्टाचारमा लिप्त छ, उसैलाई ऊर्जामन्त्री दिएको छ। अझै लुट भनेर।’

अहिलेको सरकारले राम्रो काम गर्नेलाई चिथोर्ने काम गरेको उनको दाबी थियो। उनले भने, ‘राम्रो काम गर्नेलाई कोपरेको छ, चिथोरेको छ, जसरी हुन्छ, त्यसलाई सताएको छ।’

ऊर्जा मन्त्री खड्काले विद्युत प्राधिकरणका कार्यकारी निर्देशक कुलमान घिसिङलाई पटकपटक स्पष्टीकरण सोधेर काम गर्ने वातावरण नदिएपछि प्रचण्ड सरकार र मन्त्रीमाथि खनिएका हुन्।

प्रकाशित मिति: शनिबार, चैत ९, २०८१ १६:१४

प्रतिक्रिया दिनुहोस्