काठमाडौं। नेपाल उद्योग वाणिज्य महासंघ अध्यक्ष चन्द्रप्रसाद ढकालले निजी क्षेत्रलाई निरुत्साहित गर्ने कार्यले विकास र रोजगारीमा नकारात्मक असर पर्ने बताएका छन्।
नेपाल उद्योग तथा व्यवसायी महासंघको तेस्रो महाधिवेशन उद्घाटन अवसरमा अध्यक्ष ढकालले नीतिगत स्थायित्वका साथै निजी क्षेत्रलाई निरुत्साहित गर्ने कार्य रोक्न आवश्यक भएको धारणा व्यक्त गरेका हुन्।
‘निजी क्षेत्रले ठूलो जोखिम मोलेर लगानी गरेको हुन्छ। रोजगारी सिर्जना गरेको हुन्छ, राज्यलाई कर तिरेको हुन्छ। तर, पछिल्लो समय आममानिसमा गलत भाष्य छर्ने गरी कतिपय गतिविधि भएका छन्। यसले निजी क्षेत्रलाई निरुत्साहित गर्ने गरेको छ। यसमा परिवर्तन आवश्यक छ’, उनले भने।
सरकारले गरेका पछिल्ला नीतिगत सुधारले निजी क्षेत्र लगानी वातावरण बन्नेमा विश्वस्त रहेको बताउँदै उनले यसकोे कार्यान्वयनका लागि छिट्टै नियमावली र कार्यविधि ल्याउन आग्रह गरे।
यसबाट नेपालको व्यवसायिक गतिविधिमा सुधार ल्याउने आन्तरिक तथा बाह्य लगानीलाई प्रोत्साहन गर्ने निजी क्षेत्रले विश्वास लिएको उनको भनाइ छ।
नेपालमै ठूला परियोजना सञ्चालन गर्न सकिने प्रशस्त सम्भावना रहेकोमा जोड दिँदै उनले निजी क्षेत्रको पहलमा नेपाल डेभलपमेन्ट पब्लिक इन्भेस्टमेन्ट कम्पनीको स्थापना गरी काम अगाडि बढाइएको बताए।
अध्यक्ष ढकालले स्वदेशी एवं विदेशी लगानीकर्तालाई आकर्षित गर्न सरकार र निजी क्षेत्र मिलेर काम गर्नुपर्ने बताउँदै महासंघले व्यवसायिक वातावरण सुधार र लगानी प्रवद्र्धनलाई आप्mनो उच्च प्राथमिकतामा राखेको र यसमा सरकार र अन्य निकायहरुसंग समन्वय र सहकार्य खोजिरहेको धारणा व्यक्त गरे।
आर्थिक विकासका लागि सकारात्मक वातावरण निर्माण गर्न र लगानी बढाउन आग्रह गर्दै उनले आयात प्रतिस्थापन र निर्यात प्रवर्द्धन गर्ने उद्योगलाई प्राथमिकता दिन आगामी बजेटले सम्बोधन गर्न सरकारलाई सुझाव दिए।
पछिल्लो समय सिमेन्ट र फलामको मूल्यवृद्धि, लोडसेडिङजस्ता समस्याले औद्योगिक तथा व्यावसायिक क्षेत्र समस्यामा देखिएको चर्चा गर्दै उनले यसको तत्काल समाधान खोज्न पनि सरकारलाई आग्रह गरे।
-1742560219.jpg)
