पोखरा महानगरका कर्मचारी २५ हजार घुससहित पक्राउ

समाज

गृहपृष्ठ
समाज

पोखरा महानगरका कर्मचारी २५ हजार घुससहित पक्राउ

क्यापिटल नेपालशुक्रबार, चैत ८, २०८१

काठमाडौं। कास्कीको पोखरा महानगरका अधिकृत कपिल गिरी घुससहित पक्राउ परेका छन्। अख्तियार दुरुपयोग अनुसन्धान आयोग पोखराको टोलीले २५ हजार रुपैयाँ घुससहित गिरीलाई नियन्त्रणमा लिएको हो।

महानगरको उजुरी फर्छ्यौट शाखामा कार्यरत उनले अख्तियारलाई मिलाउन घुस चाहिने भन्दै एक लाख रुपैयाँ रकम मागेकोमा २५ हजार रुपैयाँ लिएको अवस्थामा महानगरको गेट अगाडिबाट नियन्त्रणमा लिइएको अख्तियारले बताएको छ। उनले पोखरा महानगरको वडा नम्बर १, ३ र ३० हेर्ने अमिनसँग एक लाख रुपैयाँ घुस मागेको अख्तियारको आरोप छ।

स्याङ्जाका गिरी यसअघि पुतलीबजार नगरपालिका वडा नम्बर २ मा कार्यरत थिए। यसअघि पनि उनलाई अख्तियारको टोलीले घुस रकमसहित पक्राउ गर्न खोजेको बताइएको छ।

प्रकाशित मिति: शुक्रबार, चैत ८, २०८१ ०८:३२

प्रतिक्रिया दिनुहोस्