एलन मस्कको टेस्ला गाडीको मर्मत केन्द्रमा आक्रमण, दुई महिनामा गुमाए १३० अर्ब डलर सम्पत्ति

अटो

गृहपृष्ठ
अटो

एलन मस्कको टेस्ला गाडीको मर्मत केन्द्रमा आक्रमण, दुई महिनामा गुमाए १३० अर्ब डलर सम्पत्ति

क्यापिटल नेपालबिहीबार, चैत ७, २०८१

काठमाडौं। डोनाल्ड ट्रम्पलाई दोस्रो पटक अमेरिकी राष्ट्रपतिमा जिताउन महत्वपूर्ण भूमिका खेलेका खर्बपति व्यापारी एलन मस्कको कम्पनी टेस्लाको मर्मत केन्द्रमा आक्रमण भएको छ।

अमेरिकाको लस भेगसमा रहेको मर्मत केन्द्रमा आक्रमण हुँदा पाँच वटा गाडीमा पनि गोली प्रहार भएको छ। प्रहरी पुग्दा टेस्लाका पाँच वटा गाडीमा आगो बलिरहेको सिबिएस न्युजले जनाएको छ।

टेस्लाका मालिक मस्क राष्ट्रपति ट्रम्प प्रशासनको डिपार्टमेन्ट अफ गभर्नमेन्ट इफिसियन्सी (डोज)का प्रमुख हुन्। यो कार्यकक्षबाट मस्कले सरकारी खर्च कटौतीका लागि कर्मचारीलाई निकाल्नेदेखि राष्ट्रिय तथा अन्तर्राष्ट्रिय सहायता रोक्न ट्रम्पलाई सल्लाह दिइरहेका छन्।

राष्ट्रपति ट्रम्पसँग नजिकिएर राजनीतिमा आफूलाई केन्द्रमा राखेसँगै मस्कको टेस्ला कम्पनीले नोक्सानी भोग्न थालेको छ। विश्वभरि टेस्लाको बिक्री घट्न थालेको छ। पछिल्लो दुई महिनामा मस्कले व्यक्तिगत एक खर्ब ३० अर्ब डलरभन्दा बढी सम्पत्ति गुमाएका छन्।

प्रकाशित मिति: बिहीबार, चैत ७, २०८१ १६:२८

प्रतिक्रिया दिनुहोस्