युएसएडको आर्थिक सहायता रोकेपछि एलन मस्कमाथि अदालतले दियो आदेश

अन्तर्राष्ट्रिय

गृहपृष्ठ
अन्तर्राष्ट्रिय

युएसएडको आर्थिक सहायता रोकेपछि एलन मस्कमाथि अदालतले दियो आदेश

क्यापिटल नेपालबुधबार, चैत ६, २०८१

काठमाडौं। एक संघीय न्यायाधीशले एलोन मस्क नेतृत्वको अमेरिकी ‘डिपार्टमेन्ट अफ गभर्नमेन्ट एफिसियन्सी (डोज)’द्वारा प्रमुख अमेरिकी सहायता एजेन्सी बन्द गर्ने कार्य रोक्न मंगलबार आदेश दिएका छन्।

अमेरिकी जिल्ला अदालतका न्यायाधीश थियोडोर चुआङले मस्क र डोजले अमेरिकी अन्तर्राष्ट्रिय विकास नियोग (युएसएड)लाई विघटन गर्नुले अमेरिकी संविधानको धेरै किसिमले उल्लंघन गरेको हुनसक्ने बताए।

राष्ट्रपति डोनाल्ड ट्रम्पले संघीय सरकारको खर्च र रोजगारी कटौती गर्न अर्बपतिको कानुनी अधिकारलाई चुनौती दिँदै युएसएडका वर्तमान र पूर्वकर्मचारी र ठेकेदारले दायर गरेको मुद्दाको जवाफमा चुआङले यस्तो आदेश दिए।

उनीहरूले अमेरिकी संविधानको ‘नियुक्ति खण्ड’अन्तर्गत मस्कले आफ्नो अधिकार प्रयोग गर्न सिनेटको अनुमति पुष्टि गर्नुपर्ने तर्क गरेका छन्। न्यायाधीश चुआङले मस्कलाई सरकारमाथि अथाह शक्ति प्रयोग गर्न अनुमति दिने हो भने संविधानको ‘नियुक्ति खण्ड’को करिब अन्त्यको ढोका खोल्न’ र यसले ‘प्राविधिक औपचारिकताबाहेक अरू केही होइन’मा सीमित गर्ने बताए।

ट्रम्पले गत जनवरीमा एक कार्यकारी आदेशमा हस्ताक्षर गर्दै युएसएडअन्तर्गतका सबै अमेरिकी विदेशी सहायता रोक्का गर्न माग गरेका थिए।

प्रकाशित मिति: बुधबार, चैत ६, २०८१ १६:१५

प्रतिक्रिया दिनुहोस्