५२ संवैधानिक पदाधिकारीविरुद्ध संवैधानिक इजलासमा सुनुवाइ हुँदै, फेरि हेर्दाहेर्दैमा पर्ने हो कि?

समाज

गृहपृष्ठ
समाज

५२ संवैधानिक पदाधिकारीविरुद्ध संवैधानिक इजलासमा सुनुवाइ हुँदै, फेरि हेर्दाहेर्दैमा पर्ने हो कि?

क्यापिटल नेपालबुधबार, चैत ६, २०८१

काठमाडौं। प्रधानमन्त्री केपी शर्मा ओलीबाट यसअघिको कार्यकालमा नियुक्त ५२ संवैधानिक निकायका पदाधिकारीविरुद्धको मुद्दामा सर्वोच्च अदालतको संवैधानिक इजलासमा आज फेरि सुनुवाइ हुँदै छ।

पटक–सुनुवाइ हुँदै हेर्दाहेर्दैमा परेको रिटमाथि आज प्रधानन्यायाधीश प्रकाशमानसिंह राउतस, न्यायाधीशहरु सपना मल्ल प्रधान, मनोजकुमार शर्मा, कुमार चुडाल र नहकुल सुवेदीको पूर्ण इजलासमा पेसी तोकिएको हो।

प्रधानमन्त्री ओली नेतृत्वको संवैधानिक परिषदले २०७७ पुस र २०७८ असार ३२ र २० गते गरी ५२ संवैधानिक पदाधिकारी नियुक्त गरेको थियो। अध्यादेशको भरमा संवैधानिक परिषद्को बैठक डाकिएको, संसदीय सुनुवाइबिनै नियुक्त गरिनु असंवैधानिक भएको दाबी गर्दै अधिवक्ता ओमप्रकाश अर्याललगायतले सर्वोच्चमा रिट हालेका थिए।

उक्त निर्णयविरुद्ध सर्वोच्चमा १५ थान रिट दायर भएका थिए। तर, सर्वोच्चको संवैधानिक इजलाससले यो मुद्दालाई किनारा नलगाएर हेर्दाहेर्दैको सूचीमा चढाउँदै आएको छ।

यसअघि सर्वोच्चले २१ फागुनमा सुनुवाइको दिन तोके पनि मुद्दालाई हेर्दाहेर्दैमा राखेको थियो।

प्रकाशित मिति: बुधबार, चैत ६, २०८१ १३:१०

प्रतिक्रिया दिनुहोस्