सुनितासहितका चार अन्तरिक्ष यात्री ९ महिनापछि पृथ्वीमा फर्किए

प्रविधि

गृहपृष्ठ
प्रविधि

सुनितासहितका चार अन्तरिक्ष यात्री ९ महिनापछि पृथ्वीमा फर्किए

क्यापिटल नेपालबुधबार, चैत ६, २०८१

तस्बिर, नासा

काठमाडौं। आजभन्दा ९ महिनाअघि ८ दिनका लागि बोइङको स्टारलाइनर अन्तरिक्षयानको परीक्षण उडानका क्रममा अन्तरिक्ष पुगेका सुनिता विलियम्स र बुच विलमोचर अन्य दुई यात्रीसँगै पृथ्वीमा फर्किएका छन्।

यानमा प्राविधिक खराबी देखिएपछि उनीहरुले ९ महिनासम्म अन्तर्राष्ट्रिय अन्तरिक्ष केन्द्रमै अडिनुपरेको थियो।

९ महिनासम्म अन्तरिक्ष केन्द्रमा अडिएका सुनिता, बुल, नासाकै सहयात्री निक हेग र रुसी अन्तरिक्षयात्री अलेक्जेन्डर गोर्बुनोभ फ्लोरिडाको तालहासी नजिकै समुद्रमा ओर्लिएको नासाले जानकारी दिएको हो।

उनीहरू मंगलबार बेलुकी ५ बजेर ५७ मिनेट (नेपाली समयअनुसार बुधबार बिहान ४ः४२ बजे) पृथ्वीमा आइपुगेको नासाले बताएको छ। उनीहरूको पृथ्वीमा अवतरण र अन्तरिक्षयानबाट बाहिर आउँदै गरेको क्षणको नासाले प्रत्यक्ष प्रसारण गरेको थियो ।

सुनिता र बुचको अनपेक्षित लामो अन्तरिक्ष बसाइँका कारण उनीहरूको स्वास्थ्यप्रति चिन्ता व्यक्त गरिएको थियो। स्पेस एक्स ड्रागन क्याप्सुलमार्फत उनीहरू सुरक्षित रूपमा घर फर्किएको नासाले बताएको छ।

बुच र सुनीता हात हल्लाउँदै मुस्कुराउँदै स्पेसएक्स ड्रागनबाट बाहिर निस्कएको अन्तर्राष्ट्रिय सञ्चार माध्यमले जनाएका छन्।

उनीहरूको आगमनसँगै नासा र स्पेस एक्सले पत्रकार सम्मेलन गरेको अन्तरिक्षयात्री उपस्थित भएनन्। परिवारसँग भेट गर्नुअघि उनीहरूको स्वास्थ्य परीक्षण गरिनेछ।–एजेन्सी

प्रकाशित मिति: बुधबार, चैत ६, २०८१ ०८:३२

प्रतिक्रिया दिनुहोस्